Ցանկացած արցախցի կցանկանա, որ օդանավակայանն անվտանգ գործի. պատգամավոր
Դժվար է կանխատեսել, թե ինչ արդյունքներ կունենա ԱՄՆ կոնգրեսականի նախաձեռնությունը, որը կապված է Ստեփանակերտի օդանավակայանի քաղաքացիական չվերթներին անվտանգության հետ: Այս մասին Tert.am-ի հետ զրույցում ասաց ԼՂ ԱԺ արտաքին հարաբերությունների մշտական հանձնաժողովի նախագահ Արզիկ Մխիթարյանը:
«Լավ կլիներ, որ այս նախաձեռնությունը պետական մակարդակով որոշվեր: Ցանկացած արցախցու համար հաճելի կլինի, որ օդանավակայանն անվտանգ գործի: Ո՞վ չի ցանկանա»,- ասաց նա:
Դիտարկմանը, թե նախաձեռնությունը հաջորդեց Վաշինգտոնում Հայաստանի և Ադրբեջանի ԱԳ նախարարների հանդիպմանը, Արզիկ Մխիթարյանն այսպես արձագանքեց. «Բանակցությունները պարբերաբար անցկացվում են և դա ողջունելի է: Բայց թե ինչ հարցեր են քննարկվում, ինչ դետալներ են շոշափվում դրանց ժամանակ՝ հայտնի չէ: Եթե այս բանակցությունների արդյունքն է ԱՄՆ կոնգրեսականի նման նախաձեռնությունը, դա ողջունելի է, բայց լրատվամիջոցները հաղորդում են, որ հանդիպման ժամանակ քննարկվել են այլ հարցեր»:
Իսկ այն հարցին, թե ինչո՞ւ հանկարծ ԱՄՆ-ն հիշեց օդանավակայանի հարցը, պատգամավորը նկատեց, որ «հանկարծ չեն հիշել», ԱՄՆ-ն ԵԱՀԿ ՄԽ համանախագահ երկիր է ու լավ գիտի, թե ինչ է կատարվում Հայաստանում: Բացի այդ, ըստ Մխիթարյանի, շատ դժվար է հասկանալ՝ որն է այս կամ այն գերտերության ակտիվության ենթատեքստը:
Նշենք, որ ԱՄՆ Կոնգրեսի ներկայացուցիչների պալատի անդամ, դեմոկրատ Բրեդ Շերմանը, որը Ներկայացուցիչների պալատի արտաքին հարաբերությունների հանձնաժողովի անդամ է և նաև Կոնգրեսի Հայկական հանձնախմբի անդամ, ներկայացրել է օրենսդրական նախաձեռնություն, որը վերաբերում է Ստեփանակերտի օդանավակայանին: Նախագծով նախատեսվում է սահմանափակել Ադրբեջանին սպառազինության վաճառքը, մասնավորապես այն տեսակները, որոնք Բաքվին թույլ կտան հարվածել քաղաքացիական օդանավերին:
Հիշեցնենք, որ Ադրբեջանը 2011 թ.-ից սկսած սպառնալիքներ է հնչեցնում քաղաքացիական չվերթ կատարող օդանավերին հարվածելու վերաբերյալ:
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Մի դիմում էլ մենք ներկայացրինք. Ալեն Սիմոնյանն ու Անելյա Գուբրյանը ամուսնությունը գրանցելու դիմում ե...
Հայ դպրոցականների հերթական հաջողությունը
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
77 գլխատված մարդկանց գաղտնիքը․ հնագետները վերանայել են հին Եվրոպայի ամենասարսափելի բացահայտումներից ...