Կրուասա՞ն, թե՞ Տիմոշենկոյի հյուսը. համացանցում ծաղրել են «Եվրատեսիլ-2017»-ի տարբերանշանը

Այս տարվա «Եվրատեսիլ» մրցույթը հյուրընկալող երկիրը՝ Ուկրաինան, պաշտոնապես ներկայացրել է երգի միջազգային մրցույթի տարբերանշանը, որը զվարճանալու առիթ է տվել համացանցի բազմաթիվ օգտատերերի:

Ինչպես նշում է ria.ru-ն, շատերն անհասկանալի գնդիկները նմանեցրել են կրուասանի, փոքր երշիկների, չինական ավանդական լապտերիկների և նույնիսկ նախկին վարչապետ Յուլյա Տիմոշենկոյի հյուսին:

««Եվրատեսիլ-2017»-ի տարբերանշանը ստեղծողներին ոգեշնչել է Յուլյա Տիմոշենկոյի ցնցող հյուս-թագը: Շքե՛ղ է, Ուկրաինա՛»,-գրել է օգտատերերից մեկը:

Սակայն քիչ չեն եղել նրանք, որոնց մրցույթի նոր տարբերանշանը դուր է եկել:

Մինչդեռ նշվում է, որ տարբերանշանը ստեղծվել է ուկրաինուհիների կողմից ավանդաբար կրվող զարդերի հիման վրա:

Հիշեցնենք, որ «Եվրատեսիլ-2017»-ն անցկացվելու է Կիևում. եզրափակիչը տեղի կունենա մայիսի 13-ին:

tert.am