81-ամյա Ջոյս Կեւորկյանն ամուսնացել է ավարտական հավաքույթում իրեն ուղեկցող համադասարանցու հետ

Զույգը, որը հանդիպում էր դպրոցում, ամուսնացել է դպրոցի ավարտական հավաքույթին միասին մասնակցելուց 64 տարի անց։

81-ամյա Ջոյս Կեւորկյանն ու Ջիմ Բոումանը 1953-ին դպրոցի ավարտական հավաքույթում զույգ էին։ Հետագայում նրանց կյանքի ուղիները բաժանվել են, նրանք ամուսնացել են ու երջանիկ ապրել իրենց ամուսինների հետ։ Բայց երկուսն էլ այրիացել են ընդամենը 50 տարեկանում։ Ջոյսի ամուսինն ու Ջիմի կինը մահացել էին կաթվածից, հայտնում է ABC News.–ը:

Այդ տարիներին նրանք անընդհատ նամակագրական կապ են պահպանել, սակայն վերջերս Ջիմը այցելել է Ջոյսին ու հայտնաբերել, որ «երկուսն էլ սիրում են այն նույն բաները, ինչ 64 տարի առաջ»։

Զույգն ամուսնացել է ապրիլի 1-ին, հարսնացուի ընկերուհին Ջոյսի թոռնուհին էր՝ Աննա Հարիսը։ Հետագայում թոռնուհին հրապարակել էր հարսանեկան լուսանկար, որը մեծ տարածում է ստացել սոցցանցում։

Նորապսակները համարում են, որ իրենց պատմությունը բավականին անսովոր է, բայց նրանք չէին էլ կարծում, որ այդ պատմությունը ուրիշներին էլ կհետաքրքրի։ «Մենք պարզապես 81-ամյա հիմարներ ենք, որոնք ամուսնացել են Ապրիլի 1-ին՝ Հիմարների օրը»,- ասում է Բոումանը։

news.am