Առաջին բերովի հանրահավաքը

Քաղաքացիական պայմանագիր կուսակցությունն անցկացրեց իր առաջին «բերովի» հանրահավաքը: Աբովյանի քաղաքապետի ընտրություններից առաջ Նիկոլ Փաշինյանը եւ ՔՊ-ականները որոշեցին աջակցել իրենց թեկնածուին, բայց ստացվեց 1000-1500-անոց հանրահավաք:

Ընդ որում, հանրահավաքի մասնակիցների 70-75 տոկոսին «քերել» բերել էին Հայաստանի տարբեր բնակավայրերից: Նրանց մեջ շատ էին դպրոցահասակ երեխաները: Չի բացառվում, որ մասնակիցների մեջ արդեն կային ՔՊ-ի համակիրները՝ շտուրմաբթայլունգները:

Դատարանները շրջափակելու, մեծ հաշվով տապալված եւ անհաջող ակցիայից հետո սա արդեն երկրորդ իրադարձությունն է, երբ ՔՊ-ին չի հաջողվում փողոց մարդ դուրս բերել:

Հանրահավաքը չստացվեց: Իհարկե, կան եւ սուբյեկտիվ եւ օբյեկտիվ պատճառներ: Անշուշտ, ՔՊ-ի վարկանիշն այլեւս այն չէ, ինչ անցած տարվա այս օրերին կամ անգամ անցած տարվա վերջում, բայց կա նաեւ օբյեկտիվ կողմը. մարդիկ հոգնել են ապրել անդադար հեղափոխական իրավիճակում:

Մեծ է հավանականությունը, որ Աբովյանում ՔՊ-ի թեկնածուն պարտվի, եթե, իհարկե, իշխանությունները չգնային ուժային ճնշման տարբերակին: Իսկ ՔՊ-ի թեկնածուի պարտությունը, անկեղծ լինենք, դրական կլինի երկրի համար: Ի վերջո, Հայաստանը Թուրքմենստան չպետք է դառնա:

Վարդան Մխիթարյան

Top-News.am