Էդուարդ Բաբայանը մեղավոր չէ, որ մարզպետի թեկնածուն վարկանիշ չունի

Գալիք կիրակի աբովյանցիները հետհեղափոխական իրավիճակում քաղաքապետ են ընտրելու։ Իրականում Աբովյանում իրավիճակը հանգիստ է, լարվածություն եւ պայթունավտանգ իրավիճակ բացարձակ չկա։ Հեղափոխության նշույլ չկա։
Լարված են միայն նրանք, ովքեր հասկանում են, որ իրենց թեկնածուն հաղթելու քիչ հավանականություն ունի։ Նրանք էլ փորձում են այնպիսի տպավորություն ստեղծել, թե քաղաքում լարված մթնոլորտ է։

Ավելին, նրանք դիմում են կեղտոտ հնարքների եւ մամուլի որոշ միջոցների օգնությամբ ստահոդ լուրեր տարածում, թե ԱԺ պատգամավոր, թե ԱԺ պատգամավոր Էդուարդ Բաբայանն իբր իր խմբավորումներով վախի մթնոլորտ է տարածում, ընտրողներին պարտադրելով քվեարկել գործող քաղաքապետ Վահագն Գեւորգյանի օգտին։

Աբովյանում բանդաներ չկան։ Աբովյանը Հայաստանի ամենախաղաղ քաղաքներից մեկն է, եւ Էդուարդ Բաբայանն էլ ռեմբոն չէ։ Ի՞նչ անի Էդուարդ Բաբայանը, որ քաղաքապետի ՔՊ-ական թեկնածու, մարզպետարանի ֆինբաժնի պատասխանատու Գրիգոր Գուլյանի վարկանիշը ցածր է։

Կարծում ենք ցածր վարկանիշը դեռ պատճառ չէ ստահոդ լուրեր եւ մեղադրանքներ տարածելու համար։ Սա ուղիղ ճնշման եղանակ է։ Մարզպետի քարոզը չօգնեց, հետո վարչապետի երթ, զուգահեռ Է. Բաբայանի մասին կեղտոտ պատվիրած նյութեր։ Ո՞ր ինչ։ Ինչով է սա տարբերվում ՀՀԿ-ական մեթոդներից։

Աբովյանը խաղաղ է, թողեք աբովյանցին ինքնուրույն հանգիստ կողմնորոշվ, եւ որեւէ ողբերգություն չի լինի թեկնածուներից մեկի հաղթանակի կամ մյուսի պարտության դեպքում։

Վահրամ Գեւորգյան

Top-News.am