Գիտնականները պարզել են մարդու համար ամենաերջանիկ տարիքը

Լոնդոնի տնտեսագիտության և քաղաքական գիտությունների դպրոցի մասնագետները պարզել են մարդու կյանքում ամենաերջանիկ տարիքը:

Ինչպես հաղորդում է Корреспондент-ը` մեջբերելով գիտնականների ուսումնասիրության արդյունքները, նրանց կարծիքով` մարդիկ ամենից երջանիկ են լինում 23 և 69 տարեկանում:

Գիտնականներն այս եզրահանգմանն են եկել հետազոտություն անցկացնելով, որի ընթացքում ուսումնասիրել են հարցմանը մասնակցած 17-85 տարեկան 23 000 գերմանացիների տվյալները:

Հարցման մասնակիցները գիտնականների հարցերին պատասխանել են երկու փուլով` 5 տարվա տարբերությամբ: Տվյալները համադրելով հաջողվել է հաստատել, որ մարդու համար ամենաերջանիկ տարիքը 23-ն ու 69-ն են:

23 տարեկանում երջանկության պատճառը, ըստ հետազոտության մասնակիցների, կարիերայի ու մեծ ազատության սկիզբն է, ինչպես նաև ծրագրերն ու նպատակները իրագործելու հնարավորությունը:

Մինչդեռ 69 տարեկանում մարդուն կրկին երջանկացնում է ազատությունը, երբ նա այլևս ստիպված չէ աշխատել:

tert.am