Շառլ Ազնավուր. «Հայաստանին օգնություն է հարկավոր» (տեսանյութ)

«Հայաստանին օգնություն է հարկավոր: Այն ուրիշ երկրներով շրջապատված փոքր երկիր է. ոմանք ընկերներ են, ոմանք՝ թշնամի»,– «Առաջին ալիքի» «Երեկոյան Ուրգանտ» հաղորդաշարի եթերում ասել է ֆրանսահայ հռչակավոր շանսոնյե Շառլ Ազնավուրը։
«Կցանկանայի Հայաստանի շուրջ միայն ընկերներ տեսնել, բայց պետք է, որ նրանք էլ մեր արժեհամակարգն ունենան: Արժեհամակարգի խնդիր է. նավթի կամ հողի խնդիր չէ: Ինձ հետաքրքրում է, որ մարդը մարդ մնա»,– ասել է երգիչը։
Ազնավուրը պատմել է նաև իր ընտանիքի մասին, կնոջ հետ երկարատև հարաբերությունների (այս տարի կնշեն ամուսնության 50–ամյակը) հարցում կարևորել է իրար հակասող բնավորությունների համադրումը։
«Ջերմությունը և ցուրտն ամուսնացել են: Նա շվեդուհի է, ես՝ հայ: Ամեն ինչ հիանալի աշխատում է, ամեն ինչ մինչ այժմ պահպանվում է», - ասել է շանսոնյեն։
7or.am