Ազգային հակաահաբեկչական կոմիտեն հաղորդել է Պետերբուրգի պայթյունի արդյունքում 11 զոհվածների մասին
Ազգային հակաահաբեկչական կոմիտեն հաղորդել է, որ Սանկտ–Պետերբուրգի մետրոպոլիտենում իրականացված ահաբեկչության արդյունքում, վերջին տվյալներով, զոհվել է 11 մարդ, տուժել է՝ 45-ը։
ԱՀԿ–ն նաեւ հաղորդում է, որ փնտրվում են ահաբեկչության կազմակերպիչները։
«Միջոցառումներ են իրականցվում տվյալ հանցագործության բոլոր հանգամանքները պարզելու, ահաբեկչության կազմակերպիչների եւ իրականացնողների հետախուզման, ինչպես նաեւ հանցագործությունը սատարողներին գտնելու ուղղությամբ»,– ասվում է հաղորդագրության մեջ։
Ավելի վաղ, Ռուսաստանի ԱԻՆ ղեկավար Վլադիմիր Պուչկովը հաղորդել էր, որ փնտրման–փրկարարական աշխատանքները Սանկտ–Պետերբուրգի մետրոյում ավարտվել են։