Սանկտ Պետերբուրգի մետրոյում տեղի է ունեցել 2 պայթյուն (Տեսանյութ)
Սանկտ Պետերբուրգի մետրոյի կայարաններից մեկում պայթյուն է տեղի ունեցել: Այդ մասին ՏԱՍՍ-ին հայտնել է իրավապահ մարմիններում աղբյուրը: Լրատվամիջոցների հաղորդմամբ՝ կան զոհեր և վիրավորներ:
«Սանկտ Պետերբուրգի մետրոյի «Сенная площадь» կայարանում պայթյուն է տեղի ունեցել, կան վիրավորներ»,- ասել է ՏԱՍՍ գործակալության զրուցակիցը:
«ՌԻԱ Նովոստի»-ին իրավապահ մարմիններում աղբյուրը հայտնել է, որ պայթյունի հետևանքով կա առնվազն 10 զոհ:
Life.ru-ի հաղորդմամբ՝ պայթյունը տեղի է ունեցել վագոններից մեկում:
«ՌԻԱ Նովոստի»-ն հայտնում է պայթյունից հետո երեք՝ «Садовая», «Площадь Восстания» և «Технологический Университет» կայարանների փակվելու մասին:
....
Սանկտ Պետերբուրգի մետրոյում տեղի է ունեցել 2 պայթյուն, հայտնում է «Ինտերֆաքս»-ը՝ վկայակոչելով սեփական աղբյուրներին: Գործակալության տեղեկություններով՝ պայթուցիկ սարքերի հզորությունը կազմել է տրոտիլային համարժեքով մոտ 200-300 գրամ:
Աղբյուրը պնդել է, որ պայթյուններից մեկը տեղի է ունեցել մետրոյի «Սեննայա» կայարանում՝ վագոններից մեկում: Ենթադրվում է, որ ռումբերն ինքնաշեն են եւ լցոնված էին խոցող տարրերով:
Ավելի վաղ հաղորդվել է պայթյունի հետեւանքով զոհերի մասին: