Այս կամ այն պաշտոնյայի հետ լուսանկարվելու եւ այդ լուսանկարներից ազատվելու ժամանակը
Հերոսներ, կուռքեր կերտել ինչպես մեր, այնպես էլ զարգացման ոչ բարձր աստիճանի վրա գտնվող ժողովուրդների մոտ շատ լավ է ստացվում: Ինչպես արագ կերտվում են այդ կուռքերը, նույնքան էլ արագ կարող են կործանվել:
Կուռքերի հետ սիրում են լուսանկարվել: Սիրում են այդ լուսանկարները հրապարակել սոցցանցերում, ոմանք անգամ դիմում են ֆոտոշոփի օգնությանը: Այդ լուսանկարներով փորձում են մեծ ու փոքր հարցեր լուծել:
Իսկ երբ հասնում է կուռքերից ազատվելու ժամանակը, բնականաբար, գալիս է նաեւ լուսանկարներից ազատվելու ժամանակը: Հիմա, երբ նրանք, ովքեր ընդամենն ամիսներ առաջ գովերգում, փառաբանում, ձոներ էին նվիրում ԱԱԾ ղեկավար Արթուր Վանեցյանին, ջանք ու եռանդ էին գործադրում նրա հետ լուսանկար ունենալու համար, շտապում են ազատվել նրա հետ ունեցած լուսանկարներից եւ հատկապես դրանք վայրկյան առաջ հեռացնել համացանցից:
Հետաքրքիրն այն է, որ լուսանկարվողների եւ լուսանկարներից ազատվել ձգտողների շարքերում էին նաեւ նրանք, ովքեր անգամ մտքի հեռավոր ծայրով չպետք է մտածեին ԱԱԾ պետի հետ լուսանկարվելու եւ դրանով հպարտանալու համար: Խոսքը, այսպես կոչված, մարդու իրավունքների պաշտպանների մասին է, խոսքը քաղհասարակության առաջամարտիկների մասին է:
Օրեր առաջ նրանք Վանեցյանի ոտքերի տակ էին ընկնում, իսկ հիմա ազատվում նրա հետ ունեցած լուսանկարներից, անգամ քաջաբար քննադատում: Իսկ երբ հրապարակվեց հայտնի հեռախոսազրույցը նրանք անգամ թեթեւ չքննադատեցին իրենց հերոսին, կուռքին:
Ոմանք էլ, հատկապես Նիկոլ Փաշինյանին կուռք դարձրածները, շտապում են ազատվել Դավիթ Սանասարյանի հետ ունեցած լուսանկարներից եւ դրանք հեռացնում են սոցցանցերից: Եթե դեռ շաբաթներ առաջ իմքայլականները կամ ՔՊ-ականները հպարտորեն տեղադրում էին Դավիթ Սանասարյանի հետ լուսանկարները, ապա նրան մեղադրանք ներկայացնելուց հետո արդեն շտապում են ջնջել նրա հետ ունեցած կապերի հետքերը եւ անգամ հայտարարում, թե դատական համակարգը կպարզի նա մեղավոր է, թե ոչ:
Մի օր էլ կուռքեր սարքողները սկսելու են սոցցանցերից հեռացնել Փաշինյանի մասին արված հիացական քծնանքախառը գրառումները, հեռացնելու են նրա հետ ունեցած լուսանկարները: Թույլ, զարգացման ստորին աստիճանի վրա գտնվող հասարակություններում հենց այսպես էլ լինում է:
Վարդան Մխիթարյան
Top-News.am
Դաշտ են դուրս գալիս ձեւիստները
Հայաստանի քաղաքացիները հայտնվել են ռուսական անձնագիր ստացողների թոփ-5-ում
Ում դրոշը պետք է երեւա սահմանի այն կողմում
Քաղաքապետարանի ավտոբուսների մասնակցությամբ ամեն 2-րդ վթարի մեղավորը ավտոբուսի վարորդներն են
Երևան-Մոսկվա չվերթի ինքնաթիռում ոչ ադեկվատ վիճակում գտնվող ուղևորը ձերբակալվել է
Քիմ Քարդաշյանին ծաղրել են SKIMS-ի գովազդում չափից դուրս նիհար Սանտա Կլաուսի պատճառով
61 միլիոն եվրո․ Մբապեն դատարանում հաղթել է ՊՍԺ–ին
Լուկաշենկոն խոսել է նախագահի պաշտոնից հեռանալու մասին
Հոգեբուժական փորձաքննությունը հաստատել է, որ Լարիսա Դոլինան վաճառել է բնակարանը հոգեկան անառողջ վիճա...
ՍԱՏՄ-ն անհայտ ծագման միս է առգրավել ու ուղարկել ոչնչացման (տեսանյութ)