Ամերիկյան դպրոցում ուսուցիչները դասարաններում պահարաններ են բացել` քաղցած երեխաների համար
ԱՄՆ-ում միջնակարգ դպրոցի ուսուցիչները դասարաններում կարիքավոր երեխաների համար անվճար ուտելիքի պահարաններ են բացել: Պարենների սենյակները բացվել են, երբ երեխաները պարապմունքների ժամանակ սկսել են քաղցից բողոքել: Այս մասին հաղորդում է The Daily Mail-ը:
Միջնակարգ Reynolds Learning Academy դպրոցի ուսուցչուհի Քեթրին Գիբսոն Հոութոնն ասել է, որ ինքն ու իր գործընկերները դասարաններում հատուկ մառաններ ունեն` կարիքավոր երեխաների համար ուտելիքով:
«Դժբախտաբար, աղքատությունը խայտառակություն է համարվում: Բայց ես չեմ ցանկանում, որ իմ աշակերտներն ամաչեն իրենց դրությունից: Եւ շատ լավ է, որ երեխաները կարող են մտնել մառան ու հանգիստ վերցնել, ինչ իրենց անհրաժեշտ է», — ասել է Հոութոնը: