Չեխիայի ԱԳՆ-ն հետ է կանչել Շվեյցարիայում իր դեսպանին նրա կնոջ թվիթների պատճառով
Շվեյցարիայում Չեխիայի դեսպան Կարել Բորուվկային հետ են կանչել հայրենիք, քանի որ նա չի կարողանա ազդել կնոջ վրա, որը իր Twitter –ում ակտիվ քննադատում է չեխ քաղաքական գործիչներին։ Այս մասին հայտնում է չեխական Lidovky թերթը։
Դեսպանի խոսքով, ինքը հաղորդագրություն է ստացել Չեխիայի ԱԳՆ-ից, որ պետք է մինչեւ ապրիլի 30-ը լքի իր պաշտոնը։ «Ինձ միշտ հանդիմանում էին, որ չեմ կարողանում ազդել կնոջս վրա ու վերահսկել նրա գործողությունները սոցցանցերում»,- ասել է Բորուվկան, հավելելով, որ հենց դա է իր հրաժարականի պատճառը։
Բորուվկան նշել է, որ կարող էր համաձայնել այդ որոշման հետ, եթե դա կապված լիներ իր անձնական սխալների հետ։ «Կնոջ պատճառով դեսպանին մեղադրելը ինփ անհավանական ու վրդովեցուցիչ է թվում»,- շեշտել է դիվանագետը։
Դեսպանի կինը՝ Ալյոնա Բորուվկան ակտիվ քննադատում է չեխ քաղաական գործիչներին։ Մինչ այդ նա եղել է Չեխական սոցիալ դեմոկրատական կուսակցության անդամ։ Բորուվկովան նույնիսկ առաջադրել էր իր թեկնածությունը կուսակցության նախագահի տեղակալի պաշտոնում։