Թիլերսոնը նորից ՆԱՏՕ-ի անդամ երկրներին կոչ է արել ավելացնել իրենց պաշտպանական բյուջեն
ԱՄՆ պետքարտուղար Ռեքս Թիլերսոնը նորից ՆԱՏՕ-ի անդամ երկրներին կոչ է արել ավելացնել իրենց պաշտպանական բյուջեն, հայտնում է «Ամերիկայի ձայնը»։
Պետքարտուղարն արտգործնախարարների հետ զրույցում շեշտել է, որ ՆԱՏՕ-ն պետք է ունենա «բոլոր՝ ֆինանսական ու մյուս ռեսուրսները որոնք աննհրաժեշտ են ՆԱՏՕ-ի առաքելության իրականացման համար» Իրաքի ու Սիրիայի նման երկրներում։
Թիլերսոնը նաեւ անդրադարձել է Ուկրաինայում ռուսական ագրեսիային։ Նրա խոսքն ավելի կոշտ է հնչել, քան Դոնալդ Թրամփի վարչակազմի մինչ այդ արված հայտարարությունները ։ «Մենք ուզում ենք քննարկել Եվրոպայում, մասնավորապես Արեւելյան Եվրոպայում ՆԱՏՕ-ի արձագանքների շուրջ ստեղծված իրավիճակը՝ ի պատասխան Ուկրաինայում ու մյուս երկրներում Ռուսաստանի ագրեսիայի»,- ասել է Թիլերսոնը։