ԵԱՀԿ Մինսկի խմբի հայտարարությունը
ԵԱՀԿ Մինսկի խմբի համանախագահներ Ռիչարդ Հոգլանդը (ԱՄՆ), Իգոր Պոպովը (ՌԴ) և Ստեֆան Վիսկոնտին (Ֆրանսիա), ԵԱՀԿ գործող նախագահի անձնական ներկայացուցիչ Անջեյ Կասպշիկի հետ միասին եղել են Բաքվում (մարտի 11-ին), Երեւանում (մարտի 27-ին) եւ Լեռնային Ղարաբաղում (մարտի 28-ին):
Տարածաշրջանային այցի հիմնական նպատակն էր ստանալ առավել մանրամասն տեղեկություն շփման գծում եւ հայ-ադրբեջանական սահմանին տիրող քաղաքական եւ ռազմական իրավիճակի մասին, քննարկել 2016թ-ին Վիեննայում և Սանկտ Պետերբուրգում ձեռք բերված համաձայնությունների կատարման ընթացքը եւ անդրադառնալ կարգավորման հաջորդ քայլերին:
ԵԱՀԿ Մինսկի խմբի համանախագահները հանդիպել են Ադրբեջանի եւ Հայաստանի նախագահներին եւ արտաքին գործերի նախարարներին, ինչպես նաեւ Լեռնային Ղարաբաղի դե ֆակտո իշխանություններին: Նրանք նաեւ այցելել են Լեռնային Ղարաբաղում մի շարք տարածքներ: Իրենց հանդիպումներում համանախագահները վերահաստատել են իրենց խորը մտահոգությունը շփման գծում վերջին միջադեպերի առնչությամբ, կոչ անելով կողմերին` զսպվածություն ցուցաբերել իրենց հռետորության եւ իրենց գործողությունների մեջ:
Հայաստանի եւ Ադրբեջանի նախագահները արտահայտել են իրենց դիրքորոշումը համանախագահների առաջարկների շուրջ, որոնք վերաբերվում են հրադադարի ռեժիմի ամրապնդմանը եւ իրավիճակի հետագա սրացումից խուսափելուն, մասնավորապես Զատկի ու Նովրուզի տոների ժամանակ: Նրանք հայտնել են իրենց հանձնառությունը շարունակելու բանակցային գործընթացը հակամարտության քաղաքական լուծման հասնելու համար:
Համանախագահները նաեւ ընդգծել են շարունակական աջակցության կարեւորությունը դեսպան Անջեյ Կասպշիկի խմբի ընդլայնման հարցում:
ԵԱՀԿ Մինսկի խմբի համանախագահները ընդգծել են իրենց համոզմունքը առ այն, որ հարգանքը հրադադարի ռեժիմի հանդեպ չափազանց կարեւոր է վստահության մթնոլորտի ձեւավորման եւ հետագա բանակցությունների համար:
Համանախագահները շուտով կմեկնեն Վիեննա՝ ներկայացնելու Մինսկի խմբի անդամներին հանդիպումների արդյունքները:
Պաշտոնանկություն՝ Ռուբեն Ռուբինյանի կարգադրությամբ
ՀՀ ԱԺ իններորդ գումարման երկրորդ նստաշրջանի հերթական նիստ 16.09.2026
70 հազարից՝ մինչև 2 մլն դրամ․ խստացվում են կառուցապատողների նկատմամբ տուգանքները (տեսանյութ)
Ֆուտզալ․ Մոլդովա-Հայաստան հանդիպումն ավարտվեց ոչ-ոքի
ՀՀ տարածքում ավտոճանապարհներն անցանելի են
Ծաղկունքում հարյուրավոր գլուխ ոչխարներ են անկել
Գրունիսը մահացել է՝ «կատարելով իր պարտքը»
Կոսովոյի նախկին նախագահ Հաշիմ Թաչիին դատապարտել են 25 տարվա ազատազրկման
Անկարայում գոհունակությամբ են հետևում Հայաստանի և Ադրբեջանի միջև վերջին զարգացումներին. Ֆիդան
Կայացել է ՀՀ արտաքին գործերի և միջազգային առևտրի նախարարին կից հասարակական խորհրդի նիստը (տեսանյութ)