«Սերժ Սարգսյանը մեծ վնաս պատճառեց Հայաստանին և Արցախին»
Անդրիաս Ղուկասյանի ուղերձը Հայաստանի քաղաքացիներին` մեր երկրի արտաքին քաղաքականության փոփոխության անհրաժեշտության վերաբերյալ
Հայրենակիցնե’ր,
Հայաստանի անվտանգության եւ զարգացման համար արտաքին քաղաքականությունն ունի մեծ նշանակություն։ Մեր ժողովրդին անհրաժեշտ է, որպեսզի Հարավային Կովկասում ստեղծվի անվտանգ, առանց ազգամիջյան կոնֆլիկտների ընդհանուր տնտեսական տարածք, որտեղ պետական սահմանները ապրանքների, մարդկանց եւ կապիտալի շարժի համար լինեն թափանցիկ: Հարավային Կովկասի աշխարհագրական դիրքը, կլիմայական պայմանները, բնական պաշարները, տնտեսական եւ սոցիալական ներուժը հանդիսանում են բավարար գործոններ տարածաշրջանում ապրող ժողովուրդների կայուն զարգացման համար։ Հարավային Կովկասը կարող է դառնալ միջազգային առեւտրի խոշոր հանգույց, ունենալ տեղական հումքով գործող առաջատար արդյունաբերություն եւ զարգացած գյուղատնտեսություն։
Տարածաշրջանում անվտանգության եւ համագործակցության հարցերի շուրջ Վրաստանի եւ Ադրբեջանի հետ համաձայնության գալու համար անհրաժեշտ է ունենալ հավասարակշռված, կոմպլեմենտար քաղաքականություն ԱՄՆ-ի, Ռուսաստանի, Ֆրանսիայի, Եվրոպական Միության, Թուրքիայի եւ Իրանի հետ, ընդ որում՝ թվարկած պետությունների հետ անհրաժեշտ է համագործակցել նաեւ հայ ժողովրդի համար առանցքային նշանակություն ունեցող հարցերի շուրջ։
ԱՄՆ-ի աջակցությամբ հարկավոր է լուծում գտնել հայ-թուրքական հարաբերությունների բարելավման խնդրին, Ֆրանսիայի հետ համագործակցելով՝ ստեղծել անվտանգության եւ զարգացման երաշխիքներ Մերձավոր Արեւելքում, Լիբանանում ու Սիրիայում ապրող հայերի եւ այլ քրիստոնյաների համար, Ռուսաստանի եւ Իրանի հետ համատեղ աջակցել Արցախի Հանրապետության միջազգային ճանաչմանը։ Հայ ժողովրդի խնդիրների համաշխարհային բնույթը հարկադրում է Հայաստանին ունենալ ազատության բարձր աստիճան արտաքին քաղաքականության տարբեր ուղղություններում։
Հայաստանը չի կարող իր արտաքին քաղաքականության մեջ որեւէ ուղղություն գերադասել մնացածներից։ Շատ կարեւոր է հետեւել, որ անվտանգության ոլորտում Ռուսաստանի հետ համագործակցությունը չխոչընդոտի եւ չսահմանափակի Արեւմուտքի, Թուրքիայի ու Իրանի հետ հարաբերությունները։
Հայաստանի արժանապատիվ եւ արդյունավետ արտաքին քաղաքականության հիմնասյուներն են՝
- ազնիվ եւ հավասարակշռված դիվանագիտությունը,
- լիարժեք ինքնուրույնությունը անվտանգության հարցերում եւ ժողովրդի կամարտահայտությունն` իշխանությանը առնչվող միջազգային համագործակցության հարցերում։
Սերժ Սարգսյանը մեծ վնաս պատճառեց Հայաստանին եւ Արցախին՝ ստորադասելով արտաքին քաղաքականությունն իր անձնական իշխանությունը պահելու խնդրին։ Դրա արդյունքում Ադրբեջանին հաջողվեց գրավել Արցախի պաշտպանության բանակի առաջնային որոշ դիրքեր` վստահ լինելով, որ իր միջազգային հարաբերությունների համար դա մնալու է առանց որեւէ բացասական հետեւանքների։
Այսօր առաջնահերթ խնդիր է մեր երկրի արտաքին քաղաքականությունը դուրս բերել ստեղծված ճգնաժամից։ Վարդան Օսկանյանը եղել է կոմպլեմենտար դիվանագիտության հիմնադիրներից մեկը։ Նա ունի մեծ փորձ եւ լայն կապեր միջազգային հարաբերությունների ասպարեզում։ Սատար կանգնելով Վարդան Օսկանյանի, Րաֆֆի Հովհաննիսյանի եւ Սեյրան Օհանյանի դաշինքին` մենք դրանով իսկ նպաստում ենք Հայաստանի նոր, արժանապատիվ եւ արդյունավետ արտաքին քաղաքականության ձեւավորմանը։ Դա նաեւ մեր քաղաքացիական պարտքն է` հաջորդ սերունդների համար ապահովել այնպիսի քաղաքական ժառանգություն, որը ամուր խաղաղություն եւ կայուն զարգացում կապահովի մեր տարածաշրջանում ապրող բոլոր ժողովորդների համար։
Անդրիաս Ղուկասյան
«Նուբարաշեն» ՔԿՀ
28 մարտի, 2017թ․
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Օլեշկիից տարհանված ուկրաինացիները Ուկրաինայում են