Մեծ Բրիտանիայի թագուհուն կահույք պաստառապատող է պետք
Մեծ Բրիտանիայի թագուհի Եղիսաբեթ 2-րդը փնտրում է նոր մասնագետի, որը պատասխանատու կլինի Բուքինհեմյան պալատում փափուկ կահույքի պաստառապատման ու վարագույրներ կարելու համար։ Նման հայտարարություն է հրապարակվել թագավորական ընտանիքի թափուր աշխատատեղերի կայքում, հայտնում է Lenta–ն։
Թեկնածուին առաջարկում են տարեկան 22 հազար ֆունտ եկամուտ, գումարած նպաստներ ու կենսաթոշակային փոխանցումները։ Աշխատատեղի նկարագրության մեջ նշված է, որ աշխատանքը Բուքինհեմյան պալատում է, Վինձորի ամրոցում ու Սուրբ Ջեյմսի ամրոցում, որտեղ «ավելի քան հազար սենյակ կա ու բոլորում կա կահույք»։ Այսպիսով ենթադրվում է, որ թեկնածուն պետք է բավականին հավակնոտ լինի , որպեսզի «պահպանի ու ստեղծի հոյակապ առարկաներ, որոնք կուրախացնեն ապագա սերունդներին»։