Սպիտակ տունը հերքել է Թրամփի կողմից Մերկելին ներկայացված հաշվի մասին տեղեկությունը
Սպիտակ տունը հերքել է այն հաղորդագրությունը, որ ԱՄՆ նախագահ Դոնալդ Թրամփը 374 մլրդ դոլարի հաշիվ է ներկայացրել Գերմանիայի կանցլեր Անգելա Մերկելին «ՆԱՏՕ-ին մատուցված ծառայությունների համար»։ Սպիտակ տան ներկայացուցիչ Մայքլ Շորթը հայտնել է, որ այդ հաղորդագրությունները բացարձակ սուտ են։
Ավելի վաղ The Times պարբերականը, վկայակոչելով անանուն աղբյուրներ, գրել էր, որ Թրամփը Մերկելին ներկայացրել է հաշիվ ՆԱՏՕ-ին ԱՄՆ-ի մատուցած ծառայությունների համար։ Ըստ պարբերականի՝ Գերմանիայի նախարարը Թրամփի արարքն անվանել է «վրդովեցուցիչ։ ու հայտնել, որ Մերկելը «չի արձագանքի նման սադրանքների»։