Ռուսական դատարանը հեռակա կալանավորել է Արսենի Յացենյուկին՝ Չեչնիայում մարտական գործողություններին մասնակցելու գործով
Ռուսաստանյան դատարանը հեռակա կալանավորել է Ուկրաինայի նախկին վարչապետ Արսենի Յացենյուկին՝ Չեչնիայում մարտական գործողություններին մասնակցության մասին գործով, փոխանցում է ՌԻԱ Նովոստին։
«Ցացենյուկի վերաբերյալ դատարանի վճռով խափանման միջոց է ընտրվել կալանավորումը, քանի որ նա 2017-ի փետրվարի 21-ից սկսած միջազգային հետախուզման մեջ է գտնվում»,- մեջբերում է գործակալությունը Եսենտուկիի պետական դատարանի հաղորդագրությունը։ Նշում են որ Յացենյուկին մեղադրանք է առաջադրվել «Ավազակություն» հոդվածով։
Ավելի վաղ այդ օրը Յացենյուկը իր ֆեյսբուքյան էջում գրել էր, որ Ռուսաստանի Քննչական կոմիտեն դիմել է դատարանին՝ իրեն կալանավորելու մասին միջնորդությամբ ու հրապարակել էր ռուսաստանյան դատարանից ստացված ծանուցագրի կրկնօրինակը։ «Կրեմլը փնտրում է ուկրաինական քաղաքական գործիչներին հետապնդելու մեխանիզմներ։ Այս սցենարում կա «Չեչնիայում Յացենյուկի վայրագությունների» թեման նոր մակարդակ բարձրացնելու մտադրություն՝ հետագա գործողությունների ավելի լայն սպեկտրի համար»,- մեկնաբանել է նա իր հրապարակումը։