Քիմ Քարդաշյանին կողոպտած խմբի 60-ամյա ղեկավար. Մենք ձուլել եւ վաճառել ենք նրա բոլոր զարդերը, մատանուց բացի
Մինչ Քիմ Քարդաշյանը հանգստանում է Կոստա Ռիկայում, Փարիզում ոստիկանությունը հետեւողական քայլերով առաջ է շարժվում անցյալ տարվա հոկտեմբերին հայուհուն կողոպտելու գործում։ Այն ժամանակ հյուրանոցի համարում Քիմից գողացել էին 9 մլն եվրո արժողությամբ թանկարժեք զարդեր, որոնց թվում՝ 3.5 մլն եվրո արժողությամբ ամուսնական մատանին, որը նրան նվիրել էր Քանյեն։
Հունվարին կալանավորված 10 կասկածյալների թվում է 60-ամյա Օմար Այդ Քեդաշը, որը հայտնի է «Ծեր Օմար» մականունով։ Վերջինը խոստովանել է, որ Քիմից գողացած գրեթե բոլոր թանկարժեք զարդերը վաճառել են Բրյուսելի եւ Անտվերպենի սեւ շուկաներում։
«Մենք ձուլել ենք, Բելգիա տարել եւ արագ իրացրել բոլոր զարդերը, մատանուց բացի։ Այն շատ ճանաչելի է, մենք վախենում ենք այն վաճառել։ Հիմա մատանին մեր ծանոթներից մեկի մոտ է»,– խոստովանել է հանցագործը՝ չպարզաբանելով, թե ում մոտ է մատանին։
Le Monde–ն հրապարակել է Օմարի ամբողջական խոստովանությունը, որը սկսել է համագործակցել ոստիկանության հետ, քանի որ նրա ԴՆԹ–ն գտել էին կողոպուտի վայրում։ Նա ասել է, որ Քիմին գողանալը հեշտից էլ հեշտ էր։
«Մենք պլանավորում էինք նրան կողոպտել 2 օր ավելի շուտ։ Բայց մեր մարդը (հավանաբար վարորդը, որի ծառայություններից օգտվել էր Քիմը Փարիզում) ասել է, որ նրան շատ մարդիկ են շրջապատում։ Մենք գիտեինք, որտեղ է նա, քանի որ Քիմի մասին ամբողջ տեղեկությունը համացանցում է։ Երբ մտանք նրա համարը, մենք զենք չհանեցինք, ուղղակի կապեցինք նրան եւ տարանք լոգարան։
Կողոպուտից հետո մենք ընդհատակ անցանք, որոշ ժամանակ անց մենք ձուլեցինք նրա զարդերը եւ ուղարկեցինք Անտվերպեն, որտեղ էլ վաճառեցինք դրանք»,– ասել է Օմարը, սակայն չի նշել, թե որքան են ստացել դրա դիմաց։
Օմարից բացի, կողոպուտի կազմակերպիչներն են համարվում 72-ամյա Պիեռ Բ.–ն, 54-ամյա Ֆրանսուա Դ.–ն, 29-ամյա Արմինին, 70-ամյա Քրիստին Գ.–ն եւ 61-ամյա Դիդյե Դուբրեկը՝ հայտնի «կապուտաչյա» մականունով։
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Մի դիմում էլ մենք ներկայացրինք. Ալեն Սիմոնյանն ու Անելյա Գուբրյանը ամուսնությունը գրանցելու դիմում ե...
Փրկարարները և ոստիկանները Փամբակ գետում շարունակում են որոնողական աշխատանքները
Հայ դպրոցականների հերթական հաջողությունը
Ցեմենտի ներմուծումը 6 ամսով կսահմանափակվի
Ուկրաինայի նախագահն ու Մոսկվայի քաղաքապետը հաստատել են Կապոտնյայի նավթավերամշակման գործարանի հարվածը
Ատակամայի անապատը 20 միլիոն տարով ավելի հին է․ գիտնականները վերաշարադրել են Երկրի ամենաչոր վայրի պատ...
77 գլխատված մարդկանց գաղտնիքը․ հնագետները վերանայել են հին Եվրոպայի ամենասարսափելի բացահայտումներից ...