Հայաստանից հետո ՌԴ քաղաքացիներին ներքին անձնագրերով կընդունի Թուրքիան
Թուրքիայի ԱԳ նախարար Մևլութ Չավուշօղլուն Անթալիայում բնակվող ՌԴ քաղաքացիների հետ հանդիպմանը հայտարարեց, որ Թուրքիան մտադիր է առարկայական քննարկում սկսել ՌԴ հետ ներքին անձնագրերով ՌԴ քաղաքացիներին ընդունելու մասին: Հաղորդում է ՏԱՍՍ-ը:
«Դեռ մինչև տխուր իրադարձությունները (ռուսական «Սու-24»-ի խոցումը 2015 թ.) բանակցություններ են անցկացվել այդ թեմայի շուրջ: Այժմ, երբ մեր հարաբերությունները կարգավորվել են, մենք կարող ենք շարունակել այդ բանակցությունները», - ասաց նա:
Չավուշօղլուն նշեց, որ շուտով «կմեկնարկի հարցի քննարկումը», ինչպես նաև, որ «օդանավակայաններում տեղադրվում են նման փաստաթղթեր ստուգելու սարքեր»:
Zham.am