Մոսկվայում հակակոռուպցիոն ակցիայի ժամանակ բերման ենթարկվածների թիվը հասել է 700-ի
Մոսկվայում բերման են ենթարկել հակակոռուպցիոն չարտոնված ակցիայի ավելի քան 700 մասնակցի, այդ թվում՝ անչափահասների։
Մոսկվայում այսօր կազմակերպվել է հակակոռուպցիոն չարտոնված ակցիա։ Մայրաքաղաքի ոստիկանությունից հաղորդել են, որ մասնակիցների թիվը հասել է 7-8 հազարի։
Ակցիայի կազմակերպիչ Ալեքսեյ Նավալնիին բերման են ենթարկել միջոցառման հենց սկզբից։
Հակակոռուպցիոն ակցիաներ են կազմակերպվել նաեւ Ռուսաստանի այլ քաղաքներում։
Ոստիկանությունը բերման է ենթարկել չարտոնված ակցիաների տասնյակ մասնակիցների Վլադիվոստոկում, Հարավ–Սախալինսկում, Խաբարովսկում, Եկատերինբուրգում եւ այլ քաղաքներում։