Ֆրանկի օգտին եվրոյից հրաժարվելը խիստ բացասական ազդեցություն կունենա ֆրանսիացիների գնողունակության վրա.Օլանդ
Ֆրանկի օգտին եվրոյից հրաժարվելը խիստ բացասական ազդեցություն կունենա ֆրանսիացիների գնողունակության վրա, հայտնել է Ֆրանսիայի նախագահ Ֆրանսուա Օլանդը, գրում է Metro-ն:
«Ոմանք ցանկանում են հեռանալ Եվրոպական միությունից, բայց նրանք չեն կարող ֆրանսիացիներին ապացուցել, որ այդպես ավելի լավ կլինի: Վերադարձը ֆրանկին կնվազեցնի գնողունակությունը, իսկ սահմանների փակումը կբերի գործազրկության»,- հայտարարել է Օլանդը:
Ֆրանսիայի անդամակցությունը ԵՄ-ին թույլ է տվել ցածր տոկոսադրույքով պարտք վերցնել, ինչի արդյունքում հնարավոր է եղել տարեկան 30-60 մլրդ եվրո խնայել, ինչը չի լինի կառույցը լքելու պարագայում: