Բաքվում հայտարարել են Ղարաբաղի հարցով արդյունավետ բանակցություններ վարելու պատրաստակամության մասին
Ադրբեջանը պատրաստ է ղարաբաղյան հակամարտության կարգավորմանն ուղղված արդյունավետ բանակցությունների՝ հայտնում է ՏԱՍՍ-ը՝ վկայակոչելով հանրապետության ԱԳՆ մամուլի քարտուղար Լեյլա Աբդուլաեւային։
«ԵԱՀԿ Մինսկի խմբի համանախագահները առաջարկել են հանդիպում անցկացնել Ադրբեջանի նախագահի եւ Հայաստանի վարչապետի միջեւ։ Ադրբեջանը հավատարիմ է բանակցային գործընթացին եւ միշտ պատրաստ է իրական բանակցությունների։ Ադրբեջանական կողմը սատարում է հակամարտությունը արդյունավետ եւ ինտենսիվ բանակցությունների ճանապարհով լուծելու համանախագահների ջանքերը»,- ասել է մամուլի քարտուղարը՝ մեկնաբանելով երկու երկրների ղեկավարների պատրաստվող հանդիպման մասին միջազգային միջնորդների հայտարարությունը։
Խոսելով ադրբեջանական կողմի դիրքորոշման մասին՝ մամուլի քարտուղարն ընդգծել է բանակցությունների ձեւաչափը փոխելու անընդունելիությունը։ «Հակամարտության կարգավորման բանակցությունները տարվում են Հայաստանի եւ Ադրբեջանի միջեւ։ Բանակցությունների ձեւաչափը մնում է անփոփոխ»,- ասել է նա։
Նրա խոսքերով, Լեռնային Ղարաբաղի ապագա կարգավիճակի հարցը կարող է քննարկվել առանց Ադրբեջանի տարածքային ամբողջականության խախտման։
Պաշտոնանկություն՝ Ռուբեն Ռուբինյանի կարգադրությամբ
Նեղուցն ամբողջությամբ կապաշրջափակվի միայն ԱՄՆ-ի հետ հակամարտության ավարտից հետո
ՀՀ-ն Գյումրիից ռուսական ռազմաբազայի դուրսբերման հարցով չի դիմել. Գալուզին
Ճապոնիայում 100 տարեկանից բարձր անձանց թիվը հասել է գրեթե 108 000-ի
Իրանը պարտություն է կրում և այդ պատճառով ցանկանում է շատ արագ ամեն գնով գործարք կնքել. Թրամփ
Fashion Scout Armenia 2026 մրցույթի եզրափակիչ փուլ
Գազամատակարարման դադարեցումներ՝ Արարատի և Տավուշի մարզերում
ԵՄ երկրները պատժամիջոցներ են պատրաստում Ռուսաստանից 1600 ֆիզիկական անձի և ընկերության դեմ
70 հազարից՝ մինչև 2 մլն դրամ․ խստացվում են կառուցապատողների նկատմամբ տուգանքները (տեսանյութ)
Վահրամաբերդում շահագործման է հանձնվել երկու հիմնանորոգված փողոց