Երեւանը Ղարաբաղին բանակցային գործընթաց վերադարձնելու իրական քայլեր չի ձեռնարկում․ Տարասով
Հայաստանի եւ Ադրբեջանի առաջնորդների առաջիկա հանդիպմանը Ղարաբաղյան հարցի կարգավորման պայմանավորվածությունների հասնելու նախադրյալներ չկան։ Այս մասին NEWS.am-ի թղթակցի հետ զրույցում հայտարարեց ռուսաստանցի քաղաքական գործիչ, Մերձավոր Արեւելքի եւ Կովկասի երկրների խնդիրներով փորձագետ Ստանիսլավ Տարասովը։
Փորձագետի խոսքերով, ցանկացած մակարդակով բանակցությունները տեղի են ունենում համապատասխան մթնոլորտի առկայության դեպքում, եւ կողմերը, եթե ուզում են պայմանավորվել, իրավիճակ են ստեղծում։ «Իսկ Փաշինյան-Ալիեւ առաջիկա հանդիպմանը պայմանավորվածություններ ձեռք բերելու նախադրյալներ չկան»,- նշեց նա։
Չնայած Բաքվի մշտական ռազմատենչ հայտարարություններին՝ փորձագետն այն կարծիքին է, որ Ադրբեջանը չի սրի իրավիճակը շփման գծում․ «Բաքուն բարենպաստ պայմաններ չի զգում՝ Թուրքիան զբաղված է, պատերազմի ժամանակ չունի, Թեհրանի հայտարարությունները եւս չեն տրամադրում Բաքվին ակտիվ գործողությունների։ Ալիեւը այժմ կխոսի պատերազմի մասին, սակայն բանակցություններ կվարի, բայց եթե բանակցություններն անարդյունավետ լինեն, տապալման համար կմեղադրի հայկական կողմին։ Ինչ վերաբերում է Հայաստանին, ապա ցանկացած ժամանակավոր ձգձգում Ղարաբաղի լեգիտիմացման օգտին կլինի։ Երկու կողմերի ռազմատենչ հայտարարությունները տվյալ պահին հերթապահ բնույթ ունեն»։
Ինչ վերաբերում է Լեռնային Ղարաբաղին բանակցությունների սեղանի շուրջ վերադարձնելու հնարավորությանը, ապա, փորձագետի կարծիքով, չնայած նրան, որ պաշտոնական Երեւանը հայտարարում է Ղարաբաղին բանակցային գործընթաց վերադարձնելու մասին, գործնականում իրական քայլեր չի ձեռնարկում այդ ուղղությամբ։ «Իր հերթին Բաքուն հրաժարվում է Ստեփանակերտի հետ բանակցություններից։ Արդյունքում երկու կողմերն էլ տարբեր պատճառներով չեն ուզում ներառել Ղարաբաղին բանակցային գործընթացում»,- ասաց Տարասովը։
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Օլեշկիից տարհանված ուկրաինացիները Ուկրաինայում են
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո