Փաշինյանը չհերքեց Ատոմ Ջանջուղազյանի եւ Մհեր Գրիգորյանի ստորագրությամբ աշխատանքային փաստաթղթի գոյությունը
Հիմա արդեն վերջնականապես համոզվեցինք, որ իրոք գոյություն ունի փոխվարչապետ Մհեր Գրիգորյանի եւ Ֆինանսների նախարար Ատոմ Ջանջուղազյանի ստորագրությամբ աշխատանքային այն փաստաթուղթը, որտեղ տվյալներ կան մինչեւ 10 հազար պետական աշխատողների կրճատման վերաբերյալ:
Հիշեցնենք, որ այնտեղ նշված է, որ եթե պարզվի, որ 10 հազար արդյունք չստեղծող մարդ կա պետական կառավարման համակարգում, պետք է ազատվել այդ մարդկանցից:
Երբ այս փաստաթղթի վերաբերյալ աղմուկ բարձրացվեց, ոմանք շտապեցին հայտարարել, թե դա սուտ է եւ չի համապատասխանում իրականությանը: Իսկ այսօր Նիկոլ Փաշինյանն Ազգային ժողովում պատասխանելով «Իմ քայլը» խմբակցության ներկայացուցիչ Գայանե Աբրահամյանի հարցին, թե արդյոք համապատասխանում է իրականությանն այդ փաստաթուղթը, նա հաստատել է դրա գոյությունը:
Փաշինյանը համոզված է, որ կառավարման համակարգում չպետք է աշխատեն արդյունք չստեղծող մարդիկ, այսպիսով հասկացնելով, որ ընդհանուր առմամբ համաձայն է Ջանջուղազյանի եւ Գրիգորյանի հետ: Նա հերթական անգամ քննադատեց ՀՀԿ-ին, ապա շեշտեց, թե իր պատկերացմամբ կամ իր կարծիքով վերջին քսան տարիներին Հայաստանը ղեկավարել են ծանոթներով, ընկերներով, բարեկամներով, ընտրակեղծարարներով, բոլորը լցվելով պետական կառավարման համակարգ:
Ի դեպ, ընդամենը երեկ ԿԸՀ նախագահ Տիգրան Մուկուչյանը հայտարարեց, թե 2012-ից սկսած Հայաստանում ընտրակեղծիքներ չեն եղել: Եւ եթե չեն եղել, ապա ընտրակեղծարարները որտեղից հայտնվեցին կառավարման համակարգում, իսկ եթե եղել են եւ Մուկուչյանը նման հայտարարություն է անում, ապա ինչ գործ ունի նա այդ պաշտոնում եւ ինչ գործ ունի ազատության մեջ:
Ինչ վերաբերում է մյուս կատեգորիաներին, ապա ցավոք հիմա ոչինչ չի փոխվել: Նույն բարեկամները, ծանոթները, մորքուրի թոռներն ու հարսները, ընկերները: Իհարկե, մի կարեւրոր տարբերություն այնուամենայնիվ կա. հիմա ծանոթները, բարեկամները, մորքուրի թոռները, ընկերները հեղափոխականներ են:
Վարդան Մխիթարյան
Top-News.am
Աշխարհի ամենահայտնի Խորհրդարանական ծեծկռտուքները (ֆոտոշարք)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)