Գիտնականները կոչ են անում չստեղծել «քիլեր ռոբոտներ»
Մի խումբ գիտնականներ հանդես են եկել արհեստական ինտելեկտով կառավարվող սպառազինությունների ստեղծումն արգելելու կոչով, տեղեկացնում է BBC News-ը։
Գիտնականների հայտարարության մեջ նշվում է, որ ինքնավար սպառազինությունները կարող են դուրս գալ վերահսկողությունից՝ անկանխատեսելի իրավիճակ ստեղծելով եւ սպանելով անմեղ մարդկանց։
Այս հարցը բուռն վեճեր է առաջացրել նաեւ էթիկայի գծով փորձագետների շրջանում, որոնք քննարկում են արհեստական ինտելեկտի վտանգի հավանականությունը։
Փորձագետներն իրենց հայտարարությամբ հանդես են եկել Վաշինգտոնում, Գիտության զարգացման աջակցության ամերիկյան ասոցիացիայի կազմակերպած հանդիպման ընթացքում։
Human Rights Watch կազմակերպությունը դարձել է աշխարհի 50 երկրի 89 կազմակերպություններից մեկը, որը միացել է այս կոչին։
Կոչն արժանացել է անգամ զինված ուժերի համար նման սպառազինություն ստեղծող ընկերությունների ներկայացուցիչների հավանությանը։
Օրինակ, Clearpath Robotics ընկերության մասնագետ Ռայան Գերիեփի խոսքով՝ «մարդասպան ռոբոտները» կարող են հանկարծ դուրս գալ վերահսկողությունից։
Նա նշել է, որ արհեստական ինտելեկտի կողմից վերահսկվող սպառազինություններն ունեն պատկերի ճանաչման սահմանափակ գործառույթներ։ Մի կողմից՝ դա լավ է, բայց վկայում է նաեւ այն մասին, որ այդ մեքենաները չունեն մանրամասն ինֆորմացիա, որը թույլ կտա նրանց դառնալ դահիճ մարտադաշտում։
Աշխարհի ամենահայտնի Խորհրդարանական ծեծկռտուքները (ֆոտոշարք)
Գլխավոր դատախազ Աննա Վարդապետյանի հոդվածը հրապարակվել է Դատախազների միջազգային ասոցիացիայի մասնագիտա...
Հայաստանի ըմբշամարտի հավաքականը նվաճեց առաջին մեդալը
Հոկտեմբերի 27-ի դեպքերից անցել է 27 տարի
Նիդերլանդները հրաժարվել է մասնակցել «Եվրատեսիլ 2027»-ին
Նարեկ Նալբանդյանի և Դավիթ Ղազարյանի նկատմամբ քրեական հետապնդում է հարուցվել
ՔԿ նախագահը ԱՄՆ-ում մասնակցել է Ոստիկանության պետերի միջազգային ասոցիացիայի համաժողովին
Արդար չէ մեզ մեղադրել քաղաքական բռնաճնշման համար
Ռոբոտը զբոսայգում երգել է երեխաների համար, պարել այցելուների հետ և լուսանկարվել
Վարչապետը հարգանքի տուրք է մատուցել հոկտեմբերի 27-ի ոճրագործության զոհերի հիշատակին