Երկնաքերներում աշխատելը վտանգավոր է առողջության համար
Եթե աշխատում եք բարձրահարկ շենքում գտնվող գրասենյակում, արագ եք հոգնում ու գրգռված դառնում, ամենեւին էլ պարտադիր չէ, որ պատճառը աշխատանքը լինի: Գիտնականներին մտահոգում է այն, որ բարձրահարկ շենքերը եւ խոշոր կամուրջները կարող են մարդկանց վրա շատ ուժեղ ներգործություն ունենալ:
Նախորդ հետազոտություններով արդեն պարզվել է, որ իսկապես գոյություն ունի «շենքերի հիվանդագին համախտանիշ», այդ պատճառով հետազոտողները նոր ծավալուն փորձ են սկսում՝ 7 մլն ֆունտ սթեռլինգ արժեքով՝ գնահատելու համար, թե բարձրահարկերը որքանով են ուժեղ սպառնում մարդու առողջությանը, եւ գտնել բացասական հետեւանքները կանխելու մեթոդներ:
Նոր հետազոտությանը կմասնակցեն Բաթի եւ Էքսեթերի համալսարանների բժիշկներ, ինժեներներ, ֆիզիոլոգներ եւ հոգեբաններ: Նրանք կստուգեն այն պնդումը, որ մարդիկ տառապում են ծովային հիվանդությամբ, հոգնածությամբ, դեպրեսիայով, կենտրոնացման վատթարացմամբ եւ մոտիվացիայի բացակայությամբ, եթե բնակվում կամ աշխատում են մի շենքում, որը թեթեւակի ճոճվում է:
Փորձարկման համար տրենաժորներ կպատրաստվեն: Գիտնականները կհետեւեն բարձրահարկ շենքերի, կամուրջների շարժումներին, միաժամանակ մարզադաշտը կամ համերգային հրապարակը լքող մարդկանց բազմության վիբրացիային մարդու օրգանիզմի արձագանքին:
Պարզվում է՝ առաջին հայացքից նույնիսկ ամեմաամուր բարձրահարկերը եւ կամուրջները արտաքին ուժերի ազդեցությամբ մշտապես ճոճվում են: Օրինակ՝ երկնաքերներին կարող են ստիպել ճոճվել մոտակայքում կատարվող շինարարական աշխատանքները կամ շենքին մոտ երթեւեկող գնացքները: Ուժեղ քամին նույնպես բարձրահարկերին ստիպում է ճոճվել եւ վիբրացիայի ենթարկվել: 1970-ական թվականներից շենքերի հենածածկերն ավելի բարակ են դարձել, իսկ սյուների միջեւ տարածությունը մեծացել է: Դա նշանակում է, որ նոր շենքերը չեն կարող առաջացող վիբրացիան այնպես մարել, ինչպես դա արել են հին շենքերը:
«Ավելի ու ավելի մեծ թվով մարդիկ են բնակվում եւ աշխատում բարձրահարկերում, սակայն վատ են հասկանում, թե վիբրացիան իրենց վրա որքանով է ազդում»,- ասել է Էքսեթերի համալսարանի վիբրոինժեներիայի պրոֆեսոր Ալեքս Փավիչը:
«Մենք ենթադրում ենք, որ հետազոտական խմբի այս աշխատանքը էական ազդեցություն կունենա կառույցների նախագծման վրա, որոնցում բնահողի վիբրացիան եւ շենքի շարժումը առանցքային խնդիրներ են»,- նշել է WSP Parsons Brinckerhof-ի տնօրեն Քրիս Փեմբրիջը:
Բարձրահարկ շենքերի վիբրացիայի ազդեցության հարցերով համաշխարհային հեղինակություն, պրոֆեսոր Քեննիք Քվոքը նշել է, որ հետազոտության արդյունքները կօգնեն շենքերի ճոճման մակարդակի ստանդարտներ հաստատել:
Պաշտոնանկություն՝ Ռուբեն Ռուբինյանի կարգադրությամբ
Այդ հայտարարությունները օգտակար չեն խաղաղության համատեքստում
Հաջորդ տարի SpaceX-ը տիեզերք կուղարկի Nvidia GB200 NVL72 արհեստական բանականությամբ համակարգիչներ
KIDS Act օրենսդրական նախաձեռնությունը սահմանում է նվազագույն տարիքային շեմ
Երգչուհի Սելին Դիոնը Փարիզում կայացած համերգի ժամանակ հուզվել է
ՀՀ ՆԳ նախարարի գլխավորած պատվիրակությունն աշխատանքային այցով Վրաստանում է
Նեղուցն ամբողջությամբ կապաշրջափակվի միայն ԱՄՆ-ի հետ հակամարտության ավարտից հետո
ՀՀ-ն Գյումրիից ռուսական ռազմաբազայի դուրսբերման հարցով չի դիմել. Գալուզին
Էկոպարեկային ծառայողները կանխել են Բերդ քաղաքի բնակչի կողմից ապօրինի ծառահատման հետագա իրականացումը
Ճապոնիայում 100 տարեկանից բարձր անձանց թիվը հասել է գրեթե 108 000-ի