ՀՀ ԱԳՆ ղեկավարը մասնակցություն ունեցե՞լ է Փաշինյան-Ալիև հանդիպման կազմակերպմանը
Հայաստանի և Ադրբեջանի ղեկավարների միջև Դավոսում տեղի ունեցած հանդիպումը եղել է ոչ պաշտոնական, անցկացվել է բաց օրակարգով առանձնազրույցի ձևով ու կրել է ճանաչողական բնույթ։ Այսպես ՀՀ ԱԳՆ խոսնակ Աննա Նաղդալյանը պատասխանեց այն հարցին, թե արդյոք Հայաստանի արտաքին գործերի նախարարությունը կամ անձամբ նախարարը մասնակցել են այդ հանդիպման կազմակերպմանը։
«Գիտեք, պետք է ուղղակի հստակ արձանագրենք, որ այս և արտաքին քաղաքական այլ հարցերի շուրջ կա լիակատար համակարգում վարչապետի և արտգործնախարարի հետ։ Եվ այստեղ պարզապես նույնպես՝ հակառակ ձև չէր էլ կարող լինել»,- ասաց Նաղդալյանը։
Ինչ վերաբերում է Մյունխենի անվտանգության համաժողովի շրջանակներում Հայաստանի և Ադրբեջանի ԱԳ նախարարների հնարավոր հանդիպմանը, Նաղդալյանը հաստատեց, որ ՀՀ ԱԳ նախարար Զոհրաբ Մնացականյանը մասնակցելու է այդ համաժողովին, ու որքան ՀՀ ԱԳՆ-ում տեղյակ են՝ այդ համաժողովին մասնակցելու է նաև Ադրբեջանի ԱԳ նախարար Էլմար Մամեդյարովը։
Սակայն հանդիպում նախատեսվո՞ւմ է, թե՞ ոչ, Նաղդալյանը չասաց՝ հիմնավորելով նրանով, որ եթե լինի համաձայնեցում, ապա համակարգված ձևով՝ ադրբեջանական կողմի հետ միաժամանակ, այդ մասին տեղյակ կպահեն հանրությանը։
Պաշտոնանկություն՝ Ռուբեն Ռուբինյանի կարգադրությամբ
Նեղուցն ամբողջությամբ կապաշրջափակվի միայն ԱՄՆ-ի հետ հակամարտության ավարտից հետո
ՀՀ-ն Գյումրիից ռուսական ռազմաբազայի դուրսբերման հարցով չի դիմել. Գալուզին
Ճապոնիայում 100 տարեկանից բարձր անձանց թիվը հասել է գրեթե 108 000-ի
Գազամատակարարման դադարեցումներ՝ Արարատի և Տավուշի մարզերում
Իրանը պարտություն է կրում և այդ պատճառով ցանկանում է շատ արագ ամեն գնով գործարք կնքել. Թրամփ
Fashion Scout Armenia 2026 մրցույթի եզրափակիչ փուլ
ԵՄ երկրները պատժամիջոցներ են պատրաստում Ռուսաստանից 1600 ֆիզիկական անձի և ընկերության դեմ
70 հազարից՝ մինչև 2 մլն դրամ․ խստացվում են կառուցապատողների նկատմամբ տուգանքները (տեսանյութ)
Վահրամաբերդում շահագործման է հանձնվել երկու հիմնանորոգված փողոց