Մոսկվայի եւ Երեւանի հարաբերություններում կանխատեսելիություն է անհրաժեշտ. ՌԴ ԱԳ փոխնախարար
Հայաստանի եւ Ռուսաստանի հարաբերություններում անհրաժեշտ են կանխատեսելիություն, կայունություն, հրապարակայնություն եւ միմյանց մտադրությունների ըմբռնում: Հունվարի 30-ին Երեւանում Ալեքսանդր Սերգեեւիչ Գրիբոյեդովի կիսանդրու բացման հանդիսավոր արարողությունից հետո լրագրողների հետ զրույցում ասաց Ռուսաստանի ԱԳ փոխնախարար Գրիգորի Կարասինը:
Նրա խոսքով՝ երկկողմ հարաբերությունները առաջընթաց զարգանում են նաեւ ինտեգրացիոն միավորումների՝ ԵՏՄ, ԱՊՀ եւ ՀԱՊԿ շրջանակում: «Սակայն կարեւոր է կանխատեսելիությունը, երկու կողմն էլ դա լավ է հասկանում: Մեզ անհրաժեշտ է կայունություն, հրապարակայնություն, միմյանց խորհրդածությունների եւ մտադրությունների ըմբռնում»,- ասաց Կարասինը:
Նա նշեց, որ Հայաստանում է աշխատանքային ուղեւորությամբ եւ նախօրեին հանդիպել է երկրի ԱԳ նախարար Զոհրաբ Մնացականյանի հետ: Գրիգորի Կարասինը շեշտեց, որ շատ հանգամանալից զրույց են ունեցել: «Մենք փաստացի միասին կես օր ենք անցկացրել՝ քննարկելով երկկողմ հարաբերությունների հետ կապված բոլոր հարցերը»,- հավելեց նա:
Ռուսաստանի ԱԳ փոխնախարարը նշեց, որ կողմերը պայմանավորվել են պահպանել շատ սերտ շփումներ, ինչպես նաեւ համակարգում, այդ թվում՝ նաեւ միջազգային հարթակներում ՄԱԿ եւ ԵԱՀԿ շրջանակում:
Աշխատող ծնողների համար սահմանվում է «ծնողական ժամ»
Ինչպիսի եղանակ է սպասվում այսօր
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մինիոնները վերադառնում են
Դրամն արժևորվում է՝ գները դրամով թանկանում․ ինչո՞ւ
Մունդիալ-2026․ մեկնարկն արդարացնո՞ւմ է սպասելիքները
Էլեկտրաէներգիայի անջատումներ Երևանի 8 վարչական շրջաններում և 9 մարզերում
ՀՀ-ում կացության կարգավիճակ ստանալու գործընթացի շրջանակում մատուցվող ծառայությունները կթվայնացվեն
Եթե քաղաքացին 2026-ին օգտվել է ատամնաբուժական ծառայությունից, 2027-ին կարո՞ղ է ստանալ սոցիալական ծախ...
Դեսպան Հովհաննիսյանը վերահաստատել է ՀՀ հանձնառությունը ատելության խոսքի դեմ պայքարին