Ն. Փաշինյան. «Ես չեմ կարող ներկայացնել Արցախի հանրապետությունը»
ՀՀ վարչապետ Նիկոլ Փաշինյանը Մոսկվայում Եվրասիական տնտեսական հանձնաժողովի նիստում ելույթ ունենալուց հետո մասնակցել է հավատարմագրված շուրջ 80 լրատվամիջոցների ներկայացուցիչների հետ մամուլի ասուլիսին:
ԳԱԼԱ-ի մոսկովյան թղթակցի հարցին, թե երբ կլինեն Ադրբեջանի հետ պաշտոնական բանակցություններ, եւ Ադրբեջանի նախագահ Իլհամ Ալիևի հետ շփումների ժամանակ քննարկվե՞լ է Արցախը բանակցային սեղանի շուրջ վերադարձնելու հարցը, Փաշինյանը պատասխանել է. «Այն հայտարարությունները, որ ես արել եմ հրապարակայնորեն, իհարկե, այդ բոլոր հարցերը շոշափվել են: Մեր հանդիպման ժամանակ ես բազմիցս ասել եմ, որ այդ բանակցություններում ես ներկայացնում եմ, կարող եմ ներկայացնել Հայաստանի Հանրապետությունը: Ես չեմ կարող ներկայացնել Արցախի հանրապետությունը, այն պարզ պատճառով, որ Արցախի քաղաքացիները չեն մասնակցում հայաստանյան ընտրություններին, այսինքն նրանք ինձ չեն ընտրել վարչապետ: Նրանք ընտրում են իրենց նախագահին, նրանք ունեն իրենց կառավարությունը, իրենց խորհրդարանը: Այդ պատճառով ես չեմ կարող բանակցություններ վարել Լեռնային Ղարաբաղի անունից, ես կարող եմ բանակցություններ վարել Հայաստանի Հանրապետության անունից»:
Ինչ վերաբերում է Փաշինյան-Ալիեւ պաշտոնական բանակցությունների ժամկետների վերաբերյալ հարցին, ՀՀ վարչապետը պատասխանել է, որ երկու երկրների ԱԳՆ ղեկավարներն այդ ուղղությամբ աշխատում են, եւ դեռ կոնկրետ ժամկետներ սահմանված չեն: Փաշինյանը նշել է նաեւ, որ պաշտոնական այցով Ռուսաստանում կլինի այն դեպքում, երբ հրավեր լինի:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Օլեշկիից տարհանված ուկրաինացիները Ուկրաինայում են