ՄԻԵԴ. Հայաստանը պետք է 3600 եվրո վճարի գերմանական ընկերությանը

Մարդու իրավունքների եվրոպական դատարանը որոշել է, որ Հայաստանը պետք է որպես փոխհատուցում 3600 եվրո վճարի գերմանական Scholz AG 3600 ընկերությանը: ՄԻԵԴ-ը որոշում է կայացրել ընդդեմ Հայաստանի գործով՝ վճռելով, որ խախտվել է արդար դատական քննության հայցվորի իրավունքը: Գերմանական ընկերությունը հայցը ներկայացրել էր 2010 թվականի մարտի 19-ին: 1990 թվականից սկսած ընկերությունը Հայաստանում գրանցված Associates եւ Ա. Սաֆարյան ընկերությունից մետաղաջարդվածք է գնել: 2002 թվականին գերմանական ընկերությունը հայ գործընկերներին 100 հազար եվրոյի չափով վարկ է տրամադրել, որը նրանք պետք է հաջորդ տարվա հունվարին վճարեին: Սակայն հայկական ընկերությունը պարտքը չի վճարել: Հաշվարկների արդյունքում պարզվել է, որ հայկական ընկերությունը ավելի քան մեկ միլիոն դոլար պարտք ունի:

Ավելին՝ հայցվոր ընկերությունը համաձայնել է նվազեցնել պարտքը, որպեսզի հայկական ընկերությունը կարողանա ժամանակացույցի համաձայն վճարել պարտքը: Այն բանից հետո, երբ հայկական ընկերությունը չի վճարել պարտքը, գերմանական ընկերությունը ստիպված է եղել արբիտրաժային դատարան դիմել:

Միեւնույն ժամանակ հայկական ընկերությունը կոնտր հայց է ներկայացրել: Վերաքննիչ դատարանը գերմանական ընկերության բողոքը անընդունելի էր համարել: Scholz AG-ը Հայաստանից 1 213 824 դոլար եւ 116 հազար եվրոյի չափով փոխահատուցում էր պահանջել, ինչպես նաեւ 100 հազար դոլար բարոյական վնասի համար, սակայն ՄԻԵԴ-ը վճռել է, որ բողոքի եւ պահանջվող փոխհատուցման միջեւ կապ չկա:

Լուրեր Հայաստանից - NEWS.am