Սասուն Միքայելյանի ընկերոջ դուստրը եւ քաղաքապետի պաշտոնակատար դարձավ եւ պարգեւավճար ստացավ եւ անգամ դարձավ ԱԺ պատգամավոր

Կոտայքի մարզպետ Ռոմանոս Պետրոսյանն իր տեղակալներին, նրանց օգնականներին, մարզպետարանի վարչության պետերին դրամական խոշոր պարգևատրումներ է տվել:

Ռոմանոս Պետրոսյանը 2018 թ-ի դեկտեմբերի 17-ին ստորագրել է «N 198 Ա» կարգադրությունը, որը վերնագրված է «ՀՀ Կոտայքի մարզպետարանի մի խումբ աշխատողների պարգևատրելու մասին»: Մարզպետարանի աշխատակիցները որակյալ աշխատանքի կատարման համար պարգևատրվել են մարզպետարանի աշխատավարձի ֆոնդի տնտեսված միջոցներից:

Պարգևատրվածների ցանկում է նաև ԱԺ գործող պատգամավոր Լիլիթ Ստեփանյանը: Նա Հրազդանի քաղաքապետի ժամանակավոր պաշտոնակատարն էր մինչև 2018թ. հոկտեմբերի 30-ը: Դրանից հետո անցել է աշխատանքի մարզպետարանում, իսկ դեկտեմբերի 9-ին ընտրվել է ԱԺ պատգամավոր: Մարզպետարանում փաստացի աշխատել է մոտ մեկուկես ամիս: Լիլիթ Ստեփանյանը մինչև հեղափոփությունը առանձնապես աչքի չի ընկել,իսկ հեղափոխությունից որոշ ժամանակ հետո Սասուն Միքայելյանը նրան միանգամից դրեց Հրազդանի քաղաքապետի ժամանակավոր պաշտոնակատար: Լիլիթ Ստեփանյանին միանգամից Հրազդանում ճանաչեցին ոչ թե որպես ակտվ գործունեությամբ աչքի ընկած մեկի, այլ Սասունի մոտիկ ընկերոջ աղջկա: Հետո մոտիկ ընկերոջ աղջիկը կարճ ժամանակ անց մանդատ ստացավ, հետն էլ ահագին պարգևավճար:

armlife.am