«Ռեալը» բողոքարկելու է «Ռեալ Սոսյեդադի» հետ խաղի մրցավարությունը

«Ռեալի» ներկայացուցիչները գոհ չեն մնացել Իսպանիայի առաջնության 18-րդ տուրում «Ռեալ Սոսյեդադի» հետ խաղի մրցավարությունից: 

Խաղը կայացել է երեկ` հունվարի 6-ին, Մադրիդում և ավարտվել է տանտերերի` 0:2 հաշվով պարտությամբ: 

Ինչպես հայտնում է Marca-ն, «Արքայական ակումբում» կարծում են, որ գլխավոր մրցավար Խոսե Մոնտերայի և նրա օգնականների որոշումներն ազդել են խաղի վերջնական արդյունքի վրա: 

Մանսավորապես, «Ռեալի» ներկայացուցիչների դժգոհությունն է առաջացրել Վինիսիուս Ժունիորի նկատմամբ կանոնների խախտման համար չնշանակված 11-մետրանոցը: 

Աղբյուրի փոխանցմամբ, ակումբն Իսպանիայի ֆուտբոլի ֆեդերացիա բողոք կուղարկի մրցավարների աշխատանքի վերաբերյալ: