Թրիլեր՝ անգլիական ֆուտբոլում

«Չեստերֆիլդի» ու «Էբսֆլիտ Յունայթեդի» միջեւ ֆուտբոլի Անգլիայի 5-րդ դիվիզիոնի խաղն անցել է թրիլերային սցենարով:

Առաջին խաղակեսից հետո «Էբսֆլիտ Յունայթեդը» հաղթելիս է եղել 3:0 հաշվով: Երկրորդ խաղակեսում «Չեստերֆիլդը» հավասարեցրել է հաշիվը, իսկ երրորդ գոլը 95-րդ րոպեին խփել է անգլիացի պաշտպան Ուիլ Էվանսը: 97-րդ րոպեին «Չեստերֆիլդի» դարպասապահ Կալում Բերտոնը հեռացվել է դաշտից, իսկ «Էբսֆլիտ Յունայթեդը» ստացել է 11 մետրանոց հարվածի իրավունք: Քանի որ «Չեստերֆիլդը» կատարել էր բոլոր փոխարինումները, դարպասապահին փոխարինել է գոլի հեղինակ դարձած 27-ամյա Ուիլ Էվանսը, որը հետ է մղել 11 մետրանոց հարվածը: Հանդիպումն այդպես էլ ավարտվել է՝ 3:3: