Գվարդիոլա. «Լիվերպուլի» դեմ խաղը կլինի ավելին, քան հանդիպում 3 միավորի համար

«Լիվերպուլի» դեմ խաղը կլինի ավելին, քան հանդիպում 3 միավորի համար, քանի որ առաջատարն է, ասել է Անգլիայի չեմպիոն «Մանչեսթեր Սիթիի» կատալոնացի գլխավոր մարզիչ Խոսեպ Գվարդիոլան՝ խոսելով Պրեմյեր լիգայի 21-րդ տուրում կայանալիք խաղի մասին: 20-րդ տուրում մանչեսթերյան թիմը 3:1 հաշվով հաղթեց «Սաութհեմփթոնին»:

«Կարեւոր էր երկու պարտությունից հետո հաղթել, եւ խաղացողները լուծեցին այդ խնդիրը: Մենք վատ չենք շարժվում առաջ, բայց հաջորդ խաղում մրցելու ենք մի թիմի հետ, որը հիմա, հնարավոր է, Եվրոպայի ուժեղագույններից մեկն է:

Առայժմ հայտնի չէ Կեւին Դե Բրույնեի վիճակը: Գյունդոգանը կկարողանա խաղա «Լիվերպուլի» դեմ»,- Գվարդիոլայի խոսքը մեջբերում է BBC-ն:

«Մանչեսթեր Սիթի» - «Լիվերպուլ» հանդիպումը տեղի կունենա հունվարի 3-ին: