Բնակարանային գողերի թիրախում. մեկ ամսվա ընթացքում թալանվել է երկու անգամ

Ֆրանսիայի չեմպիոն Փարիզի ՊՍԺ-ի հարձակվող Էրիկ Շուպո-Մոտինգի առանձնատունը դարձյալ թալանել են, հաղորդում է Goal.com-ը: Վնասի չափի մասին առայժմ չի նշվում:

Ֆուտբոլիստի առանձնատունը թալանել էին նաեւ նոյեմբերի 28-ին, Չեմպիոնների լիգայի խմբային փուլի 5-րդ տուրի հանդիպման ժամանակ: ՊՍԺ-ն Փարիզում 2:1 հաշվով հաղթել էր անգլիական «Լիվերպուլին»: Այդ օրը Շուպո-Մոտինգի տանից գողերը տարել էին 600 հազար եվրոյի իրեր:

Երկու օր առաջ էլ թալանել էին ՊՍԺ-ի ավագ Տիագու Սիլվայի տունը՝ պատճառելով մի քանի հարյուր հազար եվրոյի վնաս: