Արսեն Վենգեր. «Արսենալը» հուսալի ձեռքերում է

Լոնդոնի «Արսենալի» նախկին գլխավոր մարզիչ, ֆրանսիացի Արսեն Վենգերը դրական է գնահատել իսպանացի մարզիչ Ունաի Էմերիի աշխատանքը անգլիական ակումբում:

«Կարծում եմ՝ Էմերին հրաշալի է կատարում իր աշխատանքը: Նոր խաղացողների շնորհիվ նա կայունություն է հաղորդել պաշտպանությանը: Նրանց մոտ ամեն ինչ լավ է ստացվում: Թիմը հուսալի ձեռքերում է:

Ոմանք մտածում էին, որ իմ հեռանալուց հետո անհրաժեշտ կլինի թիմի հիմնավոր վերակառուցում, բայց ես այդպես չէի կարծում: Ես շատ ուրախ եմ, որ այդ մարդիկ համոզվեցին, որ իրենք ճիշտ չէին»,- Վենգերի խոսքը մեջբերում է beIN Sports-ը:

Անգլիայի առաջնության 17 տուրից հետո «Արսենալը» 34 միավորով 5-րդ տեղում է եւ առաջատար «Լիվերպուլից» հետ է 11 միավոր: