Բերդի քաղաքապետը մարզպետին խոստացած քվեների քանակը չի ապահովել
«Իրատես» թերթը գրում է. «Բերդի քաղաքապետ Հարություն Մանուչարյանը վերջին շրջանում հաճախ է երեւում հասարակության մեջ, շփվում տեղացիների հետ, կիսում նրանց հոգսն ու հետաքրքրվում՝ ում ինչով կարող է օգնել: «Իրատեսի» հետ զրույցում քաղաքի բնակիչներից մեկը պատմեց, որ իշխանափոխությունից հետո վերջինս ամեն բան անում է տեղացիների մոտ բարի համբավ ձեռք բերելու համար: Բերդցիները, սակայն, Մանուչարյանին չեն ցանկանում տեսնել այդ պաշտոնում, անգամ Նիկոլ Փաշինյանի քարոզչական այցի ժամանակ պաստառներով դուրս էին եկել հրապարակ ու պահանջում էին դադարեցնել վերջինիս լիազորությունները: Փաշինյանը, սակայն, հանդարտեցրել էր ժողովրդին ու ասել, թե ամեն ինչից տեղյակ է, ու բոլոր հարցերն իրենց ժամանակին պատասխան կստանան:
«Ընտրությունների ժամանակ Մանուչարյանն աջակցել է «Իմ քայլը» դաշինքի թեկնածու, մարզպետ Վահե Ղալումյանին: Նրանց հայրերը ընկերներ են, ու քաղաքապետը, չնայած ՀՀԿ-ական պատգամավոր Գագիկ Մելիքյանի խնամին է, հին բարեկամությունը գետնով տալ չի կարողացել: Ասում են` մարզպետը նրան խոստացել է, որ եթե անհրաժեշտ թվով ձայն ապահովի, ապա քաղաքապետի գործերը լավ կլինեն»,- ասաց մեր զրուցակիցը:
Նա նաեւ նշեց, որ քաղաքապետն այդ օրերին տնետուն այցեր է կատարել ու հորդորել Ղալումյանին ձայն տալ, բայց մարզպետի համար ցանկալի ձայներ ապահովել այդպես էլ չի հաջողել: «Հիմա բոլորն սպասում են, թե ինչ կլինի. մի կողմից, ձայներ չեն եղել, մյուս կողմից, ժողովրդի պահանջն ու նոր իշխանությունների՝ հներից ազատվելու միտումը կա: Անգամ գազալցակայանի շինարարությունն է կանգնեցրել քաղաքապետը, դե, որդու համար կառուցվող հսկայական առանձնատան վրա աշխատող շինարարներն էլ արդեն տեւական ժամանակ գործ չեն անում: Ակնհայտ է՝ սպասողական ու անհասկանալի իրավիճակում է»,- եզրափակեց Բերդի բնակիչը»:
Մանրամասները՝ թերթի այսօրվա համարում


















































Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
Կաղնեփայտե տարաների ձեռքբերման համար աջակցություն կտրամադրվի լիզինգի պետական ծրագրով
Արհեստական բանականության օրեր 2026
Կառավարությունն առաջարկում է քրեական պատասխանատվություն սահմանել պոռնկությամբ զբաղվող երեխայի ծառայո...
ՕՌԱՆԺ ՕԻԼ ՍՊԸ-ին պատկանող լցակայանում արձանագրվել է թերլիցքավորման դեպք
2027 թվականի հունվարի 2-ից սիգի ձկնկիթի՝ 6 ամսով արտահանման արգելք կսահմանվի
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
ՊԵԿ-ը պարզաբանում է տարածել (տեսանյութ)
ԵՄ-ն Ռուսաստանի դեմ նոր պատժամիջոցներ կսահմանի
ՖԻՖԱ-ն ղեկավարում է մի մարդ, ով թույլ է տվել իրեն կուրացնեն