Աստղագետները հայտնաբերել են Արեգակնային համակարգի ամենահեռավոր օբյեկտը

Մի խումբ աստղագետներ հայտնաբերել են Արեգակնային համակարգի շրջանակում երբևէ ուսումնասիրված ամենահեռավոր օբյեկտը, որի գիտական անվանումը 2018 VG18 է:

Ինչպես նշում է The Guardian-ը, երկնային մարմինն անվանում են նաև Ֆարուտ: Այն Արեգակից 120 աստղագիտական միավոր հեռավորության վրա է գտնվում: Հայտնի է, որ 1 աստղագիտական միավորը հավասար է 149 597 870,691 կիլոմետրի։ Աստղագիտական միավորը մոտավորապես հավասար է Արեգակից Երկրի ունեցած միջին հեռավորությանը (այսինքն՝ Երկրի ուղեծրի միջին շառավղին)։

Հետաքրքրական է, որ նախքան այս Արեգակնային համակարգի ամենահեռավոր համարվող օբյեկտն Արևից 96 աստղագիտական միավոր հեռավորության վրա է:

Ուշագրավ հայտնագործությունն արվել է վաշինգտոնյան Քարնեգի գիտության ինստիտուտի, Հավայիի համալսարանի ու Հյուսիսային Արիզոնայի համալսարանի կողմից:

Գիտնականները դեռևս շատ տեղեկություն չունեն մարմնի մասին:

«Քանի որ 2018 VG18-ը չափազանց հեռու է Արևից ու շատ դանդաղ է պտտվում, հավանաբար ավելի քան 1000 տարի է պահանջվում, որպեսզի օբյեկտն ամբողջական պտույտ կատարի Արևի շուրջ»,-նշել է մասնագետներից մեկը:

Այս թեմայով Տպավորիչ «արյունոտ Լուսին». 2026 թվականի մարտի 3-ին սպասվում է Լուսնի լիակատար խավարում Փետրվարի վերջին վեց մոլորակներ գիշերային երկնքում «շքահանդեսի» կշարվեն Գիտնականները հայտնաբերել են փոքր աստերոիդների քիմիական կազմը Երկրի վրա կրկի՞ն մագնիսական փոթորիկ կսկսվի․ Բնակիչներին զգուշացրել են Երկրի վրա մոտ երկու օր մոլեգնող մագնիսական փոթորիկն ավարտվել է