«Գյումրեցի կնոջը սպանած ռուս զինծառայողը պետք է ձերբակալվի ՀՀ օրենսդրության համաձայն». Թևան Պողոսյան
Դեկտեմբերի 2-ին Գյումրիում տեղակայված 102 ռազմաբազայի զինծառայողը ծեծելով սպանել էր գյումրեցի 57-ամյա կնոջը: Ռուս զինվորին առաջադրվել է մեղադրանք, նա կալանավորվել է և այս պահին գտնվում է ռուսական ռազմաբազայում:
Մարդկային զարգացման միջազգային կենտրոնի ղեկավար Թևան Պողոսյանն այսօր լրագրողների հետ զրույցում անդրադառնալով այս թեմային, նկատեց՝ այլ երկրի ռազմաբազա ունեցող երկրներում նմանատիպ դեպքեր լինում են: Գլխավոր խնդիրը, ըստ նրա՝ այն է, որ դրանից պետք է դասեր քաղեն և հասկանան, թե ինչ պետք է անեն, որպեսզի նմանատիպ դեպքերից խուսափեն:
«Մեզ մոտ կա մի իրավիճակ, երբ ռուսական ռազմաբազայի սպաներն ապրում են քաղաքի տարբեր հատվածներում: Շատ ժամանակ գուցե սոցիալական իրավիճակից ելնելով և հաշվի առնելով այն հանգամանքը, որ չունեն կենտրոնացված մանկապարտեզ, կանայք չեն աշխատում, և իրենք էլ, սովորության համաձայն, լինելով տարբեր տեղերում, գուցե հավաքվում են, օգտագործում են ալկոհոլ և լինում տարբեր տեղերում: Երևի այնտեղի իրավապահ մարմինների համար դժվար է կենտրոնացված կերպով վերահսկողություն իրականացնել»,- ասաց Թևան Պողոսյանը:
Նրա խոսքով՝ գյումրեցի կնոջը սպանած ռուս զինծառայողը պետք է ձերբակալվի ՀՀ օրենսդրության համաձայն, քանի որ Հայաստանի տարածքում է տեղի ունեցել դեպքը:
Այդ ամենից զատ, Թևան Պողոսյանն առաջարկում է, որպեսզի ՀՀ և ՌԴ իշխանությունները փորձեն ընդհանուր հայտարարի գալ այս հարցի շուրջ, թե ինչ պետք է անեն, առաջին հերթին, որ ռուսական ռազմաբազայում վերահսկողությունն ավելի մեծ լինի:
«Պետք է փորձեն կենտրոնացված շենքեր կառուցել՝ հայտնի «գարադոկների» նմանությամբ, որոնք նախկինում եղել են, որտեղ ավելի հեշտ կլինի վերահսկողությունը: Այդ տեղերում Ռուսաստանը կարող է իր քաղաքացիների համար զբաղմունքի ինչ-որ վայր ձևավորել, որտեղ սպաների կանայք գումար կվաստակեն և կունենան զբաղմունք, նրանց երեխաները կայցելեն մանկապարտեզներ, դպրոցներ, որից հետո չի լինի այն, որ ամբողջ քաղաքով մեկ նրանք կտարածվեն, և վերահսկելը դժվար կլինի»,- շեշտեց Թևան Պողոսյանը:
Այդուհանդերձ, Թևան Պողոսյանն ընդգծեց, որ դեպքի ամբողջ մանրամասները չգիտի, դրանք պարզելու համար ընթանում է դատաքննություն:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Օլեշկիից տարհանված ուկրաինացիները Ուկրաինայում են