Որոշել են գյուղացիներին դատի տալ. «Փաստ»
«Փաստ» թերթը գրում է. «Հանրապետության հատկապես գյուղական բնակավայրերում էապես նվազել են սեփական եկամուտների կամ, այլ կերպ ասած, հողի հարկի ու գույքահարկի հավաքագրման ցուցանիշները: Առավել վատթար վիճակում գտնվող մարզերից մեկը Լոռին է, եւ օրերս խորհրդակցության ժամանակ մարզպետ Անդրեյ Ղուկասյանը կոչ է արել համայնքապետներին՝ դիմել դատարան, «1-2-ին պատասխանատվության ենթարկել, որ մնացածը հասկանան…»:
Սա, մեր տեղեկություններով, զայրացրել է համայնքների ղեկավարներին, քանի որ դատարանի «տեղն» իրենք էլ գիտեն, այդ թեման քանիցս բարձրացվել է, սակայն, մեղմ ասած, բոլորը չէ, որ իրենց համագյուղացիների հանդեպ նման քայլի կդիմեն, առավել եւս, որ հստակ տեղյակ են, թե ինչու չեն կարողանում մարդիկ վճարել:
Ավելին, գյուղապետներից մի քանիսը գուցե հրաժարականներ ներկայացնեն՝ հետեւելով Ձորագյուղի համայնքապետի օրինակին, քանի որ պատրաստ չեն դատի տալ իրենց գյուղացիներին:
Այս հարցում, իհարկե, լուրջ խնդիրներ կան, գուցե հարկ լինի վերանայել համայնքների բյուջեները, սակայն երկրորդ-երրորդ եռամսյակների (ամենայն հավանականությամբ՝ նաեւ չորրորդ ու ըստ այդմ՝ տարեկան) ցածր ցուցանիշները որոշ համայնքների ղեկավարներ պայմանավորում են ոչ միայն ցածր բերքատվությամբ ու մարդկանց անվճարունակությամբ, ինչն առաջնային է, այլ նաեւ նրանով, որ մարդիկ հույսեր ունեին, թե նոր իշխանությունները զիջելու են հողի հարկի եւ գույքահարկի պարտավորությունները, սակայն նման բան ոչ միայն չի եղել, այլեւ տրամաբանորեն չի էլ կարող լինել:
Խնդիրն, ի դեպ, հատուկ է ոչ միայն Լոռուն, այլեւ մարզերի մեծ մասին եւ ուսումնասիրման լուրջ կարիք կա»:
Ամբողջությամբ կարող եք կարդալ թերթի այսօրվա համարում:
Այս ուղղությամբ ևս, կարծես, նոր պանդորայի արկղ ենք բացել. Պետրոսյանը՝ ՀԷՑ-ում ստուգումների մասին
ԿԸՀ-ն իր ձեւով քննարկելու է «Մեր ձեւովի» հարցը
Գարեգին Երկրորդի եղբոր կալանքը 2 ամսով երկարաձգվեց
Մի շարք հասցեներում լույս չի լինի
Քրեական վարույթներով վերականգնվել է շուրջ 29 միլիոն 711 հազար ԱՄՆ դոլարին համարժեք 11 միլիարդ 249 մի...
Իրանը նախազգուշացնում է` կարձագանքեն ինչպես ԱՄՆ ռազմակայանների, այնպես էլ ուղղաթիռային նավերի դեմ
Արտաշիսյան փողոցի բնակելի շենքի նկուղային հարկում խմելու ջրի խողովակը վնասվել և ջուրը լցվում է նկուղ
ՀՀ նախկին ոստիկանապետ Վլադիմիր Գասպարյանի առանձնատանը կից ապօրինի շինությունները ևս քանդվել են․ դատա...
Կրակոցներ՝ Երևանում․ հրազենային վնասվածքներով ԲԿ է տեղափոխվել 44-ամյա տղամարդ
Իրանում վերականգնվել է ինտերնետային կապը