Ով է Չարենցավանի թիվ 3 դպրոցի նորընտիր տնօրենին աջակցում
14.12.1811:39
«Իրատեսը» գրում է. «Չարենցավանի թիվ 3 հիմնական դպրոցում կրքերը չեն հանդարտվում: Թե´ ուսուցչական կոլեկտիվը, թե´ աշակերտներն ու նրանց ծնողները հրաժարվում են ընդունել դպրոցի նորընտիր տնօրեն Աննա Բալյանին:
«Մեր տնօրենը Լուսինե Կարապետյանն է, որևէ այլ անձի չենք ընդունում, սա մեր վերջնական պահանջն է: Մինչև Ազգային ժողովի ընտրությունները տարբեր թեկնածուներ եկան, խոստացան, թե ընտրություններից հետո հարցին լուծում կտան, ամեն ինչ մեր սրտով կլինի, բայց այսօր տեսնում ենք, որ որևէ բան չի փոխվում: Բոլորովին այլ միջավայրից, ուրիշ դպրոցի ուսուցչի ուզում են տնօրեն դարձնել, ինչը չի ստացվելու: Մեր տեղեկություններով՝ Բայանին աջակցում է Կոտայքի մարզպետ Ռոմանոս Պետրոսյանը, և հենց մարզպետն է շահագրգռված նրան տնօրենի պաշտոնում տեսնելու հարցում»,-«Իրատեսին» փոխանցեց խնդրին քաջատեղյակ չարենցավաններից մեկը:
Մեր զրուցակիցը հավելեց նաև, որ դպրոցի հոգաբարձուների խորհրդի որոշ անդամներ, տարբեր տեսակի ճնշումների (գուցե նաև ֆինանսական) ազդեցությամբ են ընտրել Աննա Բալյանին. «Այս պահին ծնողները համատարած կերպով երեխաներին հանում են դպրոցից ու այլ դպրոցներ տեղափոխում, դասարաններ կան, որ առհասարակ փակվել են: Ինչ է լինելու սրա վերջը, անհասկանալի է, որովհետև նոր իշխանությունները չեն ուզում լսել ծնողներին, աշակերտներին, որ մեկ մարդու նման Կարապետյանին են պահանջում»:
Ի դեպ, աշակերտների հետ նաև ուսուցիչներն են հեռանում, և արդեն 8-9 ուսուցիչ աշխատանքից ազատման դիմում է ներկայացրել»,-գրում է թերթը:
Մանրամասները՝ թերթի այսօրվա համարում:


















































Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
Կաղնեփայտե տարաների ձեռքբերման համար աջակցություն կտրամադրվի լիզինգի պետական ծրագրով
Արհեստական բանականության օրեր 2026
Կառավարությունն առաջարկում է քրեական պատասխանատվություն սահմանել պոռնկությամբ զբաղվող երեխայի ծառայո...
ՕՌԱՆԺ ՕԻԼ ՍՊԸ-ին պատկանող լցակայանում արձանագրվել է թերլիցքավորման դեպք
2027 թվականի հունվարի 2-ից սիգի ձկնկիթի՝ 6 ամսով արտահանման արգելք կսահմանվի
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
ՊԵԿ-ը պարզաբանում է տարածել (տեսանյութ)
ԵՄ-ն Ռուսաստանի դեմ նոր պատժամիջոցներ կսահմանի
ՖԻՖԱ-ն ղեկավարում է մի մարդ, ով թույլ է տվել իրեն կուրացնեն