Իմ Հերոս նախագիծ
Գլխավոր Թոփ լուրեր Լրահոս Վիդեո Թրենդ
Bentley առաջին էլեկտրական ամենագնացը Էլեկտրամոբիլների և լիցքավորվող հիբրիդների վաճառքը կրճատվել է Հարի Փոթերը և փիլիսոփայական քարը Թիրախն այդ ժամանակ պետք է լիներ ԱՄՆ-ի նախագահի թեկնածու Դոնալդ Թրամփը 2028 թվականի Եվրոպայի առաջնության ընտրական փուլի վիճակահանության զամբյուղները ձևավորվել են Թբիլիսիում մեկ օրվա ընթացքում երթևեկում է մինչև 900 հազար տրանսպորտային միջոց Globe Soccer Awards 2026. բոլոր հիմնական անվանակարգերն ու անունները Մենք հանձնառու ենք կերտելու աշխարհ, որտեղ կանայք ապահով են, նրանց ձայնը՝ լսելի, իսկ ձգտումները չեն սահմանափակվում վախով Ես շատ կցանկանայի, որ խաղաղության պայմանագիրը վերջապես ստորագրվեր և ուժի մեջ մտներ Պատմություն՝ հնչողությամբ մեկ դար Թրամփին դիմավորել է Չինաստանի նախագահը Լիոնել Մեսսին պահանջել է դադարեցնել իր անվան օգտագործումը կոմերցիոն նպատակներով

Bentley առաջին էլեկտրական ամենագնացըԷլեկտրամոբիլների և լիցքավորվող հիբրիդների վաճառքը կրճատվել էՀարի Փոթերը և փիլիսոփայական քարըԹիրախն այդ ժամանակ պետք է լիներ ԱՄՆ-ի նախագահի թեկնածու Դոնալդ Թրամփը2028 թվականի Եվրոպայի առաջնության ընտրական փուլի վիճակահանության զամբյուղները ձևավորվել են Թբիլիսիում մեկ օրվա ընթացքում երթևեկում է մինչև 900 հազար տրանսպորտային միջոցGlobe Soccer Awards 2026. բոլոր հիմնական անվանակարգերն ու անուններըՄենք հանձնառու ենք կերտելու աշխարհ, որտեղ կանայք ապահով են, նրանց ձայնը՝ լսելի, իսկ ձգտումները չեն սահմանափակվում վախովԵս շատ կցանկանայի, որ խաղաղության պայմանագիրը վերջապես ստորագրվեր և ուժի մեջ մտներՊատմություն՝ հնչողությամբ մեկ դարԹրամփին դիմավորել է Չինաստանի նախագահըԼիոնել Մեսսին պահանջել է դադարեցնել իր անվան օգտագործումը կոմերցիոն նպատակներովՋեյմս Քեմերոնը Հայաստան չի գաԿրիշտիանու Ռոնալդուի հեռանալն ինձ շատ տխրեցրեցԱրգենտինայի ազգային հավաքականը Կոստա Ռիկայի դարպասն է ուղարկել 7 անպատասխան գնդակ Մինչև 45 միլիարդ եվրոյի լրացուցիչ ֆինանսական աջակցություն ՈւկրաինայինԿօգտվենք բոլոր գործիքներիցՄառլա Բլոուն միացել է «Ավրորա» մրցանակի Ընտրող հանձնաժողովինՄայքլ Ջեքսոնին պատկանող ավելի քան 100 անձնական իր վաճառքի է հանվել Julien’s Auctions աճուրդումՄենք չենք պարտադրում, մենք խնդրում ենք, բացատրում և շահագրգռում ֆինանսական միջոցներովԻ գիտություն զանգվածային լրատվության միջոցներիՊուտինը և Սի Ծինփինը քննարկել են ուկրաինական հակամարտության կարգավորման հարցըՖրանսիայի ոստիկանությունը ավելի քան 7 հազար մարդու է ձերբակալել Առանց ձմեռային անվադողերի երթևեկելու համար վարչական պատասխանատվության է ենթարկվել 400 վարորդԱպօրինի պահվող զենք-զինամթերքի կամավոր հանձնումներ Karcher-ի ներկայացուցիչներն ու Երևանի քաղաքապետարանը քննարկել են համագործակցությունըՃապոնիայի դեսպանն ավարտում է դիվանագիտական առաքելությունը ՀայաստանումՀավատարիմ մնալով իմ սկզբունքներին, չէի կարող մերժել այդ առաջարկըՄոլդովայի օդային տարածքը ժամանակավորապես փակվել էԱնշարժ գույքի շուկան ՀայաստանումՍուրեն Պապիկյանը Բրյուսելում մասնակցել է Շումանի անվտանգության և պաշտպանության համաժողովի բացմանը (տեսանյութ)Նախապատվությունը տրվելու է հանրային տրանսպորտին. ԱվինյանՖինլանդիան մտադիր չէ դուրս գալ ՆԱՏՕ-իցՔաղաքացիները հնարավորություն կունենան կամավոր ապահովագրել նաև ընտանիքի անդամներինԱզգային ժողով - Կառավարություն հարցուպատասխան 18.11.2026 (ուղիղ)Ինչո՞ւ են ՀԷՑ-ի նախկին ղեկավարները թանկ գներով ձեռք բերել սովորական հենասյուները. Ալեքսանյան2027 թվականին պաշտպանական ոլորտի ծախսերը 53 մլրդ դրամով ավելացել ենՀայաստանի Մ-19 հավաքականը ոչ-ոքի խաղաց Կիպրոսի հետՆոյեմբերի 18-ին ԿԲ-ի ռեեստրը ժամանակավորապես չի գործիՆպատակը` ՀՀ արտահանման ծավալները ավելացնելն է ինչպես ԵՄ, այնպես էլ ԵԱՏՄ ու Մերձավոր Արևելքի շուկաներ. ՊապոյանԱվտովթարների հետևանքով 9 ամսում մահացել է 12 անչափահաս, վիրավորվել՝ 700TRIPP տեխնիկական պարամետրերը պետք է համաձայնեցվեն Ադրբեջանի հետԲոլորը պետք է կենտրոնանան մեկ հարցի՝ Հայաստանի տնտեսության զարգացման վրաՂարաբաղից տեղահանվածների բնակապահովման ծրագրի տեմպն արագացել էՔննարկվել են Հայաստանի Հանրապետությունում դրոշմավորման փորձնական ծրագրերըԵրիտասարդական մայրաքաղաքի կոչման համար մրցում են Հրազդան և Վաղարշապատ քաղաքներըԵվրոպական ակումբային ֆուտբոլում պատմական փոփոխություն է սպասվումԻրանը հարվածել է Քուվեյթին եւ Բահրեյնին, կոալիցիան՝ Եմենի հութիներինՀայտնի են 2027 թվականի ձմեռային զորակոչի և զորացրման ժամկետներըԱրթուր Պողոսյանը Թեհրանում հանդիպել է Ամին Հոսեյն Ռահիմիի հետ
Հայաստան

Համազգային թատրոնի դերասանները շարունակում են գործադուլը

Համազգային թատրոնի ստեղծագործական կազմը շարունակում է դեկտեմբերի 1-ից հայտարարած անժամկետ գործադուլը` պահանջելով թատրոնի տնօրեն Վիգեն Չալդրանյանի հրաժարականը:

«Արմենպրես»-ի թղթակիցը թատրոնի դերասաններ Տաթև Ղազարյանից և Գագիկ Մադոյանից հետաքրքրվեց, թե գործադուլի մեկնարկից մինչ օրս դեպքերի ի՞նչ զարգացում է տեղի ունեցել, արդյոք ստեղծագործական կազմը հանդիպե՞լ է նորանշանակ գեղարվեստական ղեկավար Սուրեն Շահվերդյանի հետ, եղե՞լ են քննարկումներ:

«Իրականում ոչ մի սարսափելի բան չի եղել: Կա մի թատրոն, որն ունի առողջ կոլեկտիվ, որում կան երիտասարդ և կարող ուժեր: Ինչո՞ւ չօգտվել այդ ուժերից և թատրոն բերել այլ մարդկանց»,-ասաց Ղազարյանը:

Անդրադառնալով թատրոնի ներկայիս տնօրեն Վիգեն Չալդրանյանի նշանակած գեղարվեստական ղեկավար Սուրեն Շահվերդյանին՝ նա նշեց, որ թատրոնի ստեղծագործական կազմը շատ լավ է վերաբերվել Սուրենին, նրա ներկայացումներին, անգամ ցանկություն են ունեցել, որ վերջինս Համազգային թատրոնում բեմադրություններ անի:

«Նորից եմ կրկնում՝ ինչո՞ւ թաքուն նշանակել Շահվերդյանին, եթե մենք թատրոնում ունենք մեր գանձը, ինչո՞ւ դիմենք այլ ուժերի: Ասես թողնես մորդ և ուրիշին խնդրես, որ քեզ մայրություն անի: Ինչ վերաբերում է Վիգեն Չալդրանյանին՝ այնպես չէ, որ որպես մարդու նրա հանդեպ վատ ենք տրամադրված: Մեր անձնական հարաբերությունները լավ էին, երբ ինչ-որ հարցով դիմել ենք նրան, երբեք չի մերժել, հնարավորինն արել է: Մենք նրան շնորհակալ ենք եղել և այսօր էլ շնորհակալ ենք, բայց որպես թատրոնի մարդ, որպես գեղավեստական ղեկավար, տնօրեն, պետք է հասկանալ, որ ժամանակն է տեղը զիջել երիտասարդներին»,-ընդգծեց Ղազարյանը:

Նա շեշտեց, որ շարունակելու են պահանջել, որ Վիգեն Չալդրանյանը հեռանա Համազգային թատրոնի տնօրենի պաշտոնից, իսկ նորանշանակ գեղարվեստական ղեկավար Սուրեն Շահվերդյանի հետ չեն ցանկանում համագործակցել:

Գագիկ Մադոյանն էլ իր հերթին հաստատեց, որ գործադուլը շարունակվում է: «Մենք սպասում ենք ՀՀ մշակույթի նախարարի պաշտոնակատար Լիլիթ Մակունցի վերջնական որոշմանը: Ընտրությունների պատճառով հարցի լուծումը մի քիչ ձգձգվեց, բայց կարծում եմ, որ շուտով կհանդիպենք նրա հետ, և խելամիտ որոշում կլինի»,-հույս հայտնեց դերասանը և ընդգծեց, որ այսպես շարունակվել չի կարող:

Խոսելով Սուրեն Շահվերդյանի հետ հնարավոր համագործակցության մասին` նա ասաց, որ իրենց օրակարգում նման խնդիր չի քննարկվում: «Շահվերդյանի նշանակումը օրենքով է, բայց մարդկային օրենքով նա չպետք է գար: Երկու օր առաջ զրուցել ենք նրա հետ` փորձելով հասկանալ իրավիճակը, բայց սայլը տեղից չի շարժվում: Սակայն Շահվերդյանն ասում է, որ ինքը նպատակ չունի մնալ, կգնա: Հետո այլ բան է ասում: Մենք մեր պահանջը ներկայացրել ենք, և պահանջը կապված է Վիգեն Չալդրանյանի ոչ թե անձի կամ բեմադրությունների, այլ ղեկավարման հետ: Թատրոնը գնում է հատակ, չի կարողանում զարգացում ապրել»,-վստահեցրեց Մադոյանը և հավելեց, որ անձամբ ինքը 18 տարի աշխատում է Համազգայինում, և այն անընդհատ տատանումներ է ունեցել, նաև վերելքներ: Ինքը սովոր է վերելքներին, բայց վերջին երկու տարում թատրոնը դեպի կործանում է գնում:

Խոսելով թատրոնի հնարավոր լուծարման մասին՝ Մադոյանը շեշտեց, որ դրա մասին խոսք անգամ լինել չի կարող:

Սոս Սարգսյանի անվան համազգային թատրոնի 18 դերասանից բաղկացած ստեղծագործական կազմը դեկտեմբերի 1-ից անժամկետ գործադուլ է հայտարարել` պահանջելով թատրոնի տնօրեն Վիգեն Չալդրանյանի հրաժարականը: Նրանք տնօրենի պաշտոնում ցանկանում են տեսնել դերասան Արման Նավասարդյանին, իսկ թատրոնի գեղարվեստական ղեկավարի պաշտոնում` դերասանուհի և բեմադրիչ Նարինե Գրիգորյանին: Դերասանները և Վիգեն Չալդրանյանը հանդիպել են ՀՀ մշակույթի փոխնախարար Նազենի Ղարիբյանի հետ` փորձելով ընդհանուր հայտարարի գալ, սակայն հարցը լուծում չի ստացել: Չալդրանյանը հրաժարվել է թատրոնի գեղարվեստական ղեկավարի պաշտոնից` որոշելով շարունակել իրականացնել տնօրենի պարտականությունները: Հանդիպումից հետո Չալդրանյանը Համազգայինի գեղարվեստական ղեկավարի պաշտոնում է նշանակել Սուրեն Շահվերդյանին: