Սերենա Ուիլյամսը՝ կարիերան ավարտելու մասին․ տարիքս միայն թիվ է

37-ամյա թենիսիստուհի Սերենա Ուիլյամսը հայտարարել է, որ չի մտածում կարիերան ավարտելու մասին․

 «Ինձ համար մշտապես առաջնային նպատակ է եղել առողջ լինելը, բայց այլ նպատակներ ևս ունեմ։ Դրանք հիմնականում կապված են տարբեր մրցաշարերում հաջող ելույթներ ունենալու հետ։

 Ինձ դուր է գալիս այն, որ փորձում եմ կրկին դառնալ առաջին ռակետ։ Որակյալ խաղի դեպքում կվերադառնամ թոփ-թենիսիստուհիների շարք և բարձունք։ Այդ միտքն ինձ մոտիվացնում է։

 Ես երբեք շատ մեծ նպատակներ չեմ ունեցել։ Պարզապես ցանկացել եմ լավ թենիս խաղալ, հաղթել և ելույթներս շարունակելու համար տարիք չեմ սահմանել։

 Որքան մեծանում եմ, որքան ավելի շատ եմ խաղում, այդքան ավելի շատ եմ համոզվում դրանում։ Տարիքը միայն թիվ է։ Իրականում դու այնքան տարեկան ես, որքան քեզ զգում ես։

 Եթե խաղդ քեզ դուր չի գալիս կամ չես արթնանում այն մտքով, որ պետք է մարզվել, ուրեմն հեռանալու ժամանակն է»,- ամերիկուհու խոսքը մեջբերել է Tennis World USA-ը։