Երեւանի վերջին ընտրություններին գիտեք 340 դեպք, որ ԲՀԿ ներկայացուցիչներին տարել են բաժին. Ծառուկյան

Դեբատներից գոհ չեմ, ամբողջ աշխարհը սպասում էր, որ քաղաքական կուսակցությունների ղեկավարները լիարժեք ներկայացնեին իրենց ծրագրերը եւ ոչ թե գեղեցիկ խոսքերով, այլ ամեն կուսակցության ղեկավար ցանկացած ոլորտ, ասենք թե՝ ոնց է անելու, թե չէ ճոխ խոսել բոլորը կարող են, բայց ինչի՞ հիման վրա։ Այս մասին, այսօր՝ դեկտեմբերի 9-ին ԱԺ ընտրություններում քվեարկությունից հետո լրագրողների հետ զրույցում նշեց ԲՀԿ ցուցակը գլխավորող Գագիկ Ծառուկյանը:

Հարցին՝ ԲՀԿ–ն երբեւէ ընտրակաշառք բաժանե՞լ է, Ծառուկյանը պատասխանեց. «Չի բաժանել եւ չի բաժանի, ոնց որ Երեւանի քաղաքապետի էս վերջին ընտրություններին 340 դեպք, ԲՀԿ–ի ներկայացուցիչներին տարել են բաժիններ, պահել են եւ լիարժեք ոչ մի բան չի եղել։ Իմ ասածը նա է եղել, որ ասենք համապատասխան, եթե որեւիցե մեկը տեղեկություն ա տալիս, պետք է տեղեկությունը սխալ լինելու համար նա պատասխանատվության ենթարկվի, բայց ոչ մեկին էլ պատասխանատվության չենթարկեցին»։

Լուրեր Հայաստանից - NEWS.am