Ալիեւի հետ գերիների փոխանակման մասին համաձայնության չենք եկել․ Փաշինյան

ՀՀ վարչապետի պաշտոնակատար Նիկոլ Փաշինյանը լրագրողների հետ հարցազրույցի ժամանակ անդրադարձել է Սանկտ Պետերբուգում Ադրբեջանի նախագահ Իլհամ Ալիեւի հետ ոչ պաշտոնական հանդիպմանը:

«Զրուցել ենք գերիների փոխանակման հետ կապված: Ցավոք, համաձայնության չենք եկել, բայց քննարկումները կշարունակենք: Գիտեք, որ իրենք առաջարկում են բոլորը բոլորի դիմաց սկզբունքը, բայց մենք այդտեղ խնդիր ունենք: Արցախի իշխանությունների հետ էլ պետք է քննարկենք: Զրուցել ենք նաեւ բանակցային գործընթացի նախորդ պատմությունից, դրվագներից եւ այլն», - ասել է Փաշինյանը՝ հավելելով, որ դա ոչ թե հանդիպում է եղել, այլ շփում:

Փաշինյանն տեղեկացրել է, որ ԵՏՄ տնտեսական բարձրագույն խորհրդի նիստից հետո տեղի է ունեցել ԱՊՀ ֆորմատով ճաշ, որի ընթացքում էլ եղել է իր եւ Ադրբեջանի նախագահի շփումը: