Ընտրողների մի մասին շարունակում են ուղղորդել
Երեւանյան սրճարաններում համառ լուրեր են շրջանառվում, որ ճնշումներ են գործադրվում փոքր եւ միջին գործարարների վրա, նրանցից պահանջելով ձայն բերել կառավարող կուսակցության պատգամավորի թեկնածուների օգտին:
Արդեն իսկ կարելի է տեսնել հացի փռերի, տաքսի սերվիսների, փոքրիկ խանութների սեփականատերերի մտահոգ դեմքերը, որոնք թուղթն ու գրիչը ձեռքներին այս ու այն կողմ են շտապում:
Երեկ երեւանյան բակերից մեկում գտնվող տաքսի ծառայություններից մեկում ահա այսպիսի իրավիճակ էր:
Տաքսիստներին մոտեցավ տաքսի ծառայության խոժոռ դեմքով տնօրենը, որն իր մոտ հրավիրեց կանչի սպասող հինգ տաքսիստի եւ նրանց հրահանգավորեց, որ ընտրության օրը պետք է քվեարկել Նիկոլի դաշինքին, իսկ հետո շրջել մյուս էջը եւ քվեարկել էսինչին:
- Բայց մենք ո՞նց կարող ենք երկու հոգու քվեարկել,- վախվորած հարցրեց տաքսիստներից մեկը:
- Արա, հո դեբիլ չես, քեզ ասում եմ՝ կարող ես, ու դա երկու հոգու չի: Դաշինքին քվեարկում ես, հետո կշրջես թուղթը ու կքվեարկես չորսի էսինչ համարին:
- Լավ, շեֆ, ոնց ասես: Իսկ ո՞ւմ ենք ընտրելու: Ո՞վ է:
- Արա որ ասեմ իբր հիշելու ես: Մեր ախպերն ա: Կընտրես ու վերջ: Հասկացա՞ք:
Իսկ հետո տաքսիստները խոստացան ընտրել, գլուխները կախեցին եւ հեռացան մտորելու: Իսկ ինչ որ մեկն ասում էր, թե ոչ ուղղորդելու են, ոչ բան: Փաստորեն միայն տասը հազարականները չեն բաժանում:
Top-News.am
Պաշտոնանկություն՝ Ռուբեն Ռուբինյանի կարգադրությամբ
Նեղուցն ամբողջությամբ կապաշրջափակվի միայն ԱՄՆ-ի հետ հակամարտության ավարտից հետո
ՀՀ-ն Գյումրիից ռուսական ռազմաբազայի դուրսբերման հարցով չի դիմել. Գալուզին
Ճապոնիայում 100 տարեկանից բարձր անձանց թիվը հասել է գրեթե 108 000-ի
Գազամատակարարման դադարեցումներ՝ Արարատի և Տավուշի մարզերում
Իրանը պարտություն է կրում և այդ պատճառով ցանկանում է շատ արագ ամեն գնով գործարք կնքել. Թրամփ
Վոլեյբոլի Եվրոպայի Մ20 տղաների առաջնության առաջին փուլը կանցկացվի Երևանում
Fashion Scout Armenia 2026 մրցույթի եզրափակիչ փուլ
Սյունիքի մարզում սեպտեմբերի 15-ին և 16-ին գազամատակարարման ընդհատումներ կինեն
ԵՄ երկրները պատժամիջոցներ են պատրաստում Ռուսաստանից 1600 ֆիզիկական անձի և ընկերության դեմ