Չինացի կեղծարարուհին ճանաչվել է որպես «երկրի ամենագեղեցիկ հանցագործ»
Չինաստանի ոստիկանությունը հրապարակել է որոնվող կեղծարարուհի Ցինչեն Ցզինցզինի լուսանկարը, սակայն նրան որոնելու փոխարեն սոցիալական ցանցի օգտատերերը սկսել են հիանալ նրանով: South China Morning Post-ի տվյալների համաձայն՝ աղջիկը ճանաչվել է որպես «Չինաստանի ամենագեղեցիկ հանցագործ»:
Նրա նկարը հրապարակվել է Սիչուան նահանգի Մյանյան քաղաքի ոստիկանության կողմից նոյեմբերի 20-ին: Ցինչենը մեղադրվում է հանցավոր խմբավորման անդամ դառնալու մեջ, որը խաբեությամբ գումար է կորզել բարում և թեյատներում խմած այցելուներից։ Բանդայի երկու անդամները արդեն հանձնվել են ոստիկանությանը, մյուսները գտնվում են փախուստի մեջ: Ըստ ոստիկանության՝ խումբը գործում է առնվազն մեկուկես տարի։
Ցինչենի ճշգրիտ տարիքն ու զբաղմունքը պարզել չի հաջողվել։ Սակայն աղջկա նախկին գործընկերը պնդում է, որ նա մոտ 19 տարեկան է: Նա աղջկան բնութագրել է որպես շփվող և ավելացրել է, որ նա հպարտ էր իր տեսքով, բայց իր տարիքի պատճառով նրան լուրջ չէին ընդունում:
Աշխատանքից զատվելով Ցինչենը ասել է, որ իր ընկերոջ հետ գնում է արտերկիր: