Խորհրդարանում քննարկեցին նախագահին Բաղրամյան 26 վերադարձնելու մասին օրինագիծը
Նոյեմբերի 21-ին ԱԺ արտահերթ նիստում առաջին ընթերցմամբ հավանություն ստացավ «Պաշտոնատար անձանց գործունեության ապահովման, սպասարկման եւ սոցիալական երաշխիքների մասին» օրենքում փոփոխություններ եւ լրացում կատարելու մասին» օրենքի նախագիծը, որով առաջարկվում է նախագահի նստավայրը Մաշտոցի 47-ից տեղափոխել Բաղրամյան 26:
Օրինագիծը ներկայացնող հիմնական զեկուցողը՝ արդարադատության առաջին փոխնախարար Արթուր Հովհաննիսյանը նշեց, որ, կառավարության կարծիքով, վարչապետը կարող է կառավարության գործունեության ղեկավարումն ու աշխատանքի համակարգումն իրականացնել մեկ նստավայրից: «Բացի այդ, մենք կարծում ենք, որ պատմական նշանակություն ունեցող Բաղրամյան 26-ը պետք է վերադարձնել Հանրապետության նախագահին, որը, ըստ սահմանադրական փոփոխությունների, նաեւ պետության գլուխն է եւ Սահմանադրության երաշխավորը»,- պարզաբանեց Հովհաննիսյանը:
Նա հայտնեց, որ օրինագծով նախատեսված է, որ վարչապետը կարող է արարողությունների համար օգտվել նախագահի նստավայրի դահլիճներից:
Մնացյալ ուղղումները, որ վերաբերում էին նախագահի լիազորությունների ընդլայնմանը, քննարկումից հետո որոշվեց ներկայացնել առանձին օրենսդրական փաթեթով: Մասնավորապես՝ առաջարկվում է նախագահին լիազորել գործուղման ուղարկել դիվանագիտական աշխատողներին, քաղաքացիություն տրամադրել եւ Հայաստանի քաղաքացիության կասեցման որոշում ընդունել: Օրինագծով նաեւ առաջարկվում է նախագահին լիազորել պետական մրցանակներ եւ պատվավոր կոչումներ շնորհել, ինչպես նաեւ համաներման որոշումներ ընդունել:


















































Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
Կաղնեփայտե տարաների ձեռքբերման համար աջակցություն կտրամադրվի լիզինգի պետական ծրագրով
Արհեստական բանականության օրեր 2026
Կառավարությունն առաջարկում է քրեական պատասխանատվություն սահմանել պոռնկությամբ զբաղվող երեխայի ծառայո...
ՕՌԱՆԺ ՕԻԼ ՍՊԸ-ին պատկանող լցակայանում արձանագրվել է թերլիցքավորման դեպք
2027 թվականի հունվարի 2-ից սիգի ձկնկիթի՝ 6 ամսով արտահանման արգելք կսահմանվի
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
ՊԵԿ-ը պարզաբանում է տարածել (տեսանյութ)
ԵՄ-ն Ռուսաստանի դեմ նոր պատժամիջոցներ կսահմանի
ՖԻՖԱ-ն ղեկավարում է մի մարդ, ով թույլ է տվել իրեն կուրացնեն