Ընդամենը մեկ միավոր Լիխտենշտեյնից
Ազգերի լիգայի խմբային փուլի վերջին տուրում Հայաստանի հավաքականը Վադուցում 2:2 հաշվով ավարտեց հանդիպումը Լիխտենշեյնի հավաքականի հետ:
Գաճաճ ֆուտբոլային հավաքականի հետ ոչ ոքին խայտառակություն է: Անկախ նրանից, թե ինչ կասեն խաղացողները կամ մարզիչները, այս արդյունքը խայտառակություն է:
Ոչ ոքիի թիվ մեկ մեղավորը մարզչական շտաբն է, որը չգիտես ինչու որոշեց փոխել դարպասապահին եւ Հայրապետյանի փոխարեն խաղադաշտ դուրս բերեց Հենրի Ավագյանին, որի կոպիտ սխալից հետո էլ դաշտի տերերը խփեցին առաջին գոլը, իսկ երկրորդ գոլը խփեցին Վարազդատ Հարոյանի կոպիտ սխալից հետո:
Մեր հավաքականի կազմում գոլի հեղինակ դարձան Ադամյանը եւ Կարապետյանը, որը փոխարինման դուրս գալով կարողացավ խփել երկրորդ գոլը եւ հավասարեցնել հաշիվը:
Ավելացնենք, որ Հայաստանի հավաքականն ուներ դարպասը գրավելու մի քանի լավ պահեր, բայց շտապողականությունը, նյարդայնությունը, վարպետության պակասը խանգարում էր վճռական հատվածում:
Այս կազմով մեր հավաքականը լուրջ արդյունքների չի կարող հասնել: Զգացվում էր նույնիսկ Կամո Հովհաննիսյանի բացակայությունը: Պաշտպանությունում եւ կիսապաշտպանությունում պակասում են կրեատիվ մտածողությամբ ֆուտբոլիստները:
Ազգերի լիգայում մեր հավաքականը ընդամենը երկրորդն է մի խմբում, որտեղ ընդգրկված էին Մակեդոնիայի, Ջիբրալթարի եւ Լիխտենշտեյնի հավաքականները:
Top-News.am
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
Առանձին շրջաններում սպասվում է կարճատեւ անձրեւ եւ ամպրոպ
ՀՀ անկախության տոնին նվիրված համերգը՝ Հանրապետության հրապարակում (տեսանյութ)
Երթևեկության կազմակերպման փոփոխություն՝ Վարդանանց փողոցում
ԵՄ-ն առայժմ համաձայնության չի հասել ռուս միլիարդատերերի նկատմամբ պատժամիջոցները հանելու հարցում
Սպիտակ տունը գործարկել է Trump TV-ն
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Շարունակում ենք ստուգայցերը ՊՆ զորամասեր (տեսանյութ)
Մի շարք հասցեներում այսօր էլեկտրաէներգիայի անջատումներ կլինեն
Փոխվում է Գերմանիայի քաղաքական քարտեզը